Поранешниот генерален секретар на НАТО, Јенс Столтенберг денеска изрази уверување дека привременото отстапување на територијата на Русија ќе биде опција за брз крај на украинската војна.

„Потребна ни е линија за прекин на огнот и, се разбира, идеално таа треба да ги покрива сите територии кои Русија во моментов ги контролира, но гледаме дека тоа не е многу реално во блиска иднина. Украина би можела привремено да отстапи дел од своите територии за ова цел“, рече тој.

Столтенберг рече и дека е важно владата во Киев да добие безбедносни гаранции во замена за привремени територијални отстапки.

Девет лица загинаа, а пет се повредени во пукање на штанд со храна во северно Мексико, јавуваат локалните медиуми, пренесува Анадолија.

Пукањето се случило во градот Апасео дел Гранде во државата Гуанахуато.

Според очевидци, напаѓачите прво пукале во вработените, а потоа по случаен избор кон луѓето во близина.

🇲🇽MÉXICO

🚨| Y como ya se esta haciendo habitual cada domingo, lamentablemente, se registró nueva masacre, ahora en Apaseo el Grande, Guanajuato, sicarios llegaron a un puesto de cajetas y le dispararon a comerciantes y clientes.
Hay al menos 9 muertos y 5 heridos. pic.twitter.com/ielJQLQHRU

— Red de Fenómenos Naturales (@calixtonavarroq) December 2, 2024

На подрачјето каде што се случи нападот беа распоредени голем број полицајци, а започна и масовна акција за апсење на напаѓачите кои избегаа.

Локалните медиуми објавија дека болничар е еден од убиените во пукањето.

На протестите кои се одржаа во Тбилиси во изминатите неколку дена, приведени се 224 лица поради ситно хулиганство, отпор и непослушност кон полицијата, соопшти Министерството за внатрешни работи на Грузија.

Во соопштението се наведува дека се приведени три лица осомничени дека нападнале полицајци при вршење на службената должност и со подметнување пожар предизвикале имотна штета и против нив ќе биде поднесена кривична пријава.

„Како резултат на незаконските и насилни дејствија на учесниците на синоќешниот собир повредени се 21 вработен во МВР. Некои жртви се здобиле со тешки телесни повреди на главата, лицето и телото. Во последните дејствија повредени се службеници, од кои четворица се уште се во медицински установи“, се наведува во соопштението.

Забележано е дека и покрај постојаното предупредување, за време на митингот некои учесници ја оштетиле зградата на парламентот и инфраструктурата лоцирани на авенијата Руставели.