Свет
Берлин: Татко го фрлил својот деветгодишен син од мост и се самоубил

Непознат маж го фрлил својот деветгодишен син од мост на автопат во централна Германија, по што извршил самоубиство, соопшти германската полиција. Според информациите од полицијата, мајката на детето дознала за неговата смрт од социјалните мрежи, каде го видела прошталното писмо што го објавил 36-годишниот татко.
Пред пет дена на железничка станица во Франкфурт еден маж ги турна под воз мајка и нејзиниот осумгодишен син, при што момчето го загуби својот живот.
Полицијата во Хесе не ги поврзува овие два настана бидејќи извршителот на убиството во Франкфурт не бил во сродство со мајката и детето, додека во вториот случај станува збор за татко и син.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Би-би-си: Новиот германски лидер навести сеизмички промени во трансатлантските односи

Фридрих Мерц, кој сигурно ќе биде новиот германски канцелар, не ги дочекал конечните резултати од изборите за новиот Бундестаг одржани во неделата за да најави нова ера во Европа, јавува денеска Би-би-си.
Прогласувајќи ги Соединетите Американски Држави за рамнодушни кон судбината на европскиот континент, Мерц ја доведе во прашање иднината на НАТО и побара Европа да ја зајакне својата одбрана, и тоа бргу, според анализата ден по сојузните парламентарни избори во Германија, на кои синдикатот на Мерц, ЦДУ/ЦСУ, освои најмногу гласови.
„Ваков тон од устата на близок сојузник на САД – Фридрих Мерц, кој инаку е познат како страстен атлантист – бил незамислив пред само неколку месеци. Ова е сеизмичка промена. Тоа може да се протолкува како претерување, но она што во моментот го доживуваме во трансатлантските односи е без преседан од крајот на 80-тите години на британските медиуми“, нагласуваат од британските медиуми.
На третата годишнина од рускиот напад врз Украина, Мерц повика Киев да се вклучи во мировните преговори.
Најверојатниот кандидат за иден германски канцелар ја потврди својата континуирана поддршка за Украина.
Свет
Трудо: Војната на Русија во Украина е војна против демократијата, вистината и правдата

Канадскиот премиер во заминување Џастин Трудо денеска изјави дека руската војна против Украина претставува „војна против нашиот начин на живот, војна против демократијата, против владеењето на правото и самоопределувањето, војна против правдата, војна против вистината“.
Зборувајќи во Киев на третата годишнина од почетокот на војната, Трудо ги осуди, како што ги нарече, „гнасните воени злосторства“ на Русија, пишува „Гардијан“.
„Украинците ги загубија животите борејќи се храбро за својата земја, децата беа одземени од нивните семејства, домови и заедници, што е грозоморно воено злосторство“, рече тој. Трудо додаде дека воените заробеници биле изложени на насилство од страна на руските војници.
„Украинците ќе триумфираат затоа што Украинците се борат за она што е исправно, но тие не можат и не треба да го направат тоа сами“, рече Трудо. Вкупно 37 државни лидери ќе учествуваат на самитот во Киев, кој украинскиот претседател Володимир Зеленски го нарече „пресвртница“, од кои 13 ќе присуствуваат лично, а 24 преку видео врска, според УНИАН.
Свет
Путин телефонски го информирал кинескиот претседател за преговорите со САД

Кинескиот претседател Шји Џјинпинг денеска телефонски разговарал со својот руски колега Владимир Путин, јави кинеската државна телевизија CCTV.
Како што се наведува, разговорот бил воден на иницијатива на руската страна.
Портпаролот на Кремљ, Дмитриј Песков, претходно најави дека рускиот претседател денеска ќе оствари меѓународен телефонски разговор во контекст на информирање на руските партнери за преговорите со САД во Ријад.
„Минатата недела претседателот зборуваше за својата намера да информира голем број земји партнери за контактите со Американците. Според тоа, овој процес почна денеска“, изјави Песков за новинарите.