Свет
Бизарна прес конференција на Трамп

Претседателот на САД, Доналд Трамп, изјави денес пред медиумите дека само неколку негови претходници поминале повеќе закони од него, иако во Конгресот не помина ниту еден битен закон откако тој е на функцијата.
Денешната прва заедничка средба со сите членови на кабинетот медиумите ја нарекоа бизарна, срамна, патетична и во советски стил, поради бројните фалби што Трамп си ги упати самиот на себе, пред да почнат да го фалат државните секретари.
“Никогаш немало претседател, со неколку исклучоци, кој поминал повеќе закони и кој завршил повеќе работи“, изјави Трамп пред новинарите.Тој го пофали и својот план за даночни измени како “најголемо намалување на даноците во американската историја”, иако тој се уште не фигурира како формален предлог и Конгресот не се изјаснувал за него. Тој оцени исто така дека “никој не верувал и не очекувал дека неговиот избор ќе отвори толку многу работни места за седум месеци, околу милион и сто илјади, иако претходните седум месеци биле отворени уште повеќе.
По него дојдоа фалбите од соработниците. Прв беше Мајкл Пенс, неговиот потпретседател, кој изјави дека можноста да му служи на Трамп е “најголемата чест во неговиот живот “.
“Чест ми е да бидам тука”, изјави јавниот обвинител Џеф Сешн, кој неодамна ја понуди својата оставка поради притисоците повразани со истрагата за Русија..
“Ви ја симнувам капата”, му рече на Трамп државниот секретар за енергетика, Рик Пери, осврнувајќи се на одлуката САД да се откажат од глобалниот договор за климатските промени..
“Ви благодариме за можноста и благословени да сте што ни овозможивте да служиме на вашата агенда и на американскиот народ”, изјави шефот на кабинетот Рејнс Прибус , кој е предмет на извештаи дека Трамп сака да му даде отказ..
Спектаклот беше толку необичен што лидерот на демократите во Сенатот, Чарлс Шумер и неговите помошници направија видео потсмевајќи се на овој прв заеднички состанок на кабинетот пред јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
15-годишно девојче загина по удар од автобус во Земун, повредени се неколку лица

15-годишно девојче загина денеска во сообраќајна несреќа во Земун, додека четири лица се пренесени во болница, меѓу кои бремена жена и шестгодишно дете, пишуваат медиумите во регионот.
Девојчето што починало било удрено од автобус, по што се судриле три патнички возила, според Танјуг.
Според сведоците, жена трчала преку улицата, а возачот на автобусот се обидел да ја избегне, па всушност преминал на тротоарот, каде што го удрил детето.
И јавното комунално претпријатие GSP се огласи по повод тешката сообраќајна несреќа во Земун во која девојче (15) почина кога беше удрено од автобус а неколку лица беа повредени, стои во написите на српските медиуми.
„Денес околу 12:20 часот, на улицата Цар Душан на број 136, се случи тешка сообраќајна несреќа со смртоносен исход и неколку полесни повреди. Во оваа несреќа учествуваа неколку патнички возила и автобус од линија 18 што ја напушти гаражата и се упати кон терминалот за да се вклучи во сообраќајот. Околностите под кои се случи оваа сообраќајна несреќа се уште се непознати и полицијата работи на нивно утврдување“, изјави GSP.
Како што пишува „Телеграф“, автобусот се обидел да избегне жена која трчала преку улицата надвор од пешачкиот премин, поради што свтел на тротоарот, удирајќи го девојчето кое завршило под возилото. На патот, тој удрил во неколку паркирани автомобили, а потоа се забил во порта на куќата.
Телото на девојчето било извлечено од под автобусот од пожарникари, а екипите за итни случаи можеле само да констатираат смрт. Во несреќата биле повредени десет лица, меѓу кои деветмесечна бремена жена, мајка и шестгодишно дете, 74-годишна жена.
Фото: принтскрин
Свет
Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд Трамп по веста за комбинираниот руски напад синоќа, во кој беше погодена и Делегацијата на ЕУ во Украина, меѓу другите цивилни цели.
„Тукушто разговарав со украинскиот претседател Володимир Зеленски, а потоа и со американскиот претседател Доналд Трамп по масовниот напад врз Киев, кој ја погоди и нашата канцеларија во ЕУ“, напиша фон дер Лајен на платформата X.
Таа рече дека рускиот претседател Владимир Путин мора да започне преговори со Киев.
„Путин мора да седне на преговарачка маса. Треба да обезбедиме праведен и траен мир за Украина со цврсти и веродостојни безбедносни гаранции“, истакна претседателката на Европската комисија.
Таа додаде дека Европа „целосно ќе ја одигра својата улога“.
„Нашиот одбранбен инструмент SAFE, на пример, ќе биде важен за зајакнување на храбрите украински вооружени сили“, истакна фон дер Лајен.
Таа претходно објави дека руските напади врз Киев, во кои загинаа 18 лица во текот на ноќта, меѓу кои и четири деца, „само ќе го зајакнат единството на Европа и пркосот на Украина“.
Фото: принтскрин
Свет
Заложничка преживеала 471 ден во тунелите на Хамас: „Ги молев да не ме убиваат“

Додека Израелците протестираат низ целата земја и вршат притисок врз владата да гарантира ослободување на преостанатите заложници од Газа, поранешната заложничка Дорон Штајнбрехер (32) се присети на своите 471 дена во заложништво. Во интервју за Ројтерс, таа изрази надеж дека сите преостанати заложници наскоро ќе бидат ослободени.
„Ги молев да не ме убиваат“, рече таа во интервјуто додека семејствата на заложниците се собираа и повикуваа на прекин на речиси двегодишната војна. Денес, вели, може само да се моли за ослободување на преостанатите 50 заложници, од кои, според израелските проценки, околу дваесет се уште живи. Надежта опстојува и покрај бројните неуспешни обиди на медијаторите да обезбедат прекин на огнот меѓу Израел и Хамас.
Нејзините пријатели, браќата близнаци Гали и Зив Берман, сè уште се во рацете на палестинската милитантна група што го нападна Израел на 7 октомври 2023 година. Во тој напад, најсмртоносниот ден за Евреите од Холокаустот, 1.200 луѓе беа убиени, а 251 лице беше однесено во Газа, според израелските бројки.
Последователната израелска воена кампања во Газа одзеде повеќе од 62.000 палестински животи, според здравствените власти во Газа, а гладот се прошири низ регионот.
„Сега е важно да се вратат сите заложници дома. Секој момент, секоја секунда тие се во опасност затоа што нема храна, нема вода, а санитарната состојба е многу лоша“, нагласи таа. „Знам што мислат и чувствуваат сега. Страв за своите животи секој момент. Секој ден одите на спиење и не знаете дали ќе се разбудите.“
Штајнбрехер била држена во подземни тунели каде што, како што вели, развила силна врска со другите млади жени кои биле со неа. „Нема светлина во тунелите, нема свеж воздух. Не знаете дали е ден или ноќ“, рекла таа. Во еден тунел, едвај можела да стои, рекла таа.
Милитантите на Хамас ѝ рекле дека ќе биде веднаш погубена ако ја слушнат израелската армија како се приближува. Таа рекла дека била под интензивен психолошки притисок, ѝ било забрането да покажува емоции и ретко ѝ било дозволено да се мие. Морала да моли за храна секој ден, рекла таа.
Израелскиот премиер Бенјамин Нетанјаху вети дека ќе го уништи Хамас. И покрај протестите дома и меѓународната осуда, Израел се подготвува да започне нова офанзива во градот Газа, кој таа го опишува како последно упориште на милитантите.
Додека притисокот врз Нетанјаху расте да склучи договор со кој ќе се ослободат преостанатите заложници, министрите од крајната десница, кои се клучни за неговиот политички опстанок, се заканија дека ќе ја соборат неговата влада ако заврши војната.
Фото: принтскрин