Свет
Блокирани плановите за реконструкција на Берлинскиот ѕид за уметнички проект
Германските власти инфоирмираа дека го блокирале предлогот за обнова на дел од Берлинскиот ѕид за огромен филмско-уметнички проект во германската престолнина. Наведувајќи ги безбедносните грижи и ризиците од пожари, градските власти во Берлин рекоа дека нема да одобрат градежна дозвола за проектот „ДАУ” на рускиот режисер Илја Кржановски, пренесува ДПА.
Планот беше да се изградат 900 бетонски ѕидни плочи, секоја висока 3,6 метри, во градскиот блок на булеварот „Унтер ден линден“, за настан вреден 6,6 милиони евра.
Оградениот “град во град” требаше да имасопствени визни проверки, а посетителите на паралелниот свет мораа да аплицираат онлајн за дозволи за влез. Но, проектот предизвика контроверзии, а критичарите го карактеризираа како настан што им штети на луѓето кои живееле во комунистичка Источна Германија.
Сабине Вајслер, советник задолжен за засегнатата област во Берлин, изјави дека немало доволно време да се добијат мислења од жителите кои би можеле да бидат погодени од проектот.
„Не беше можно организацијата да гарантира дека настанот ќе се спроведе безбедно. Барањето за толку големи проекти мора да се поднесе најманлу една година пред изградбата”, додаде таа.
Организаторите ја поднесова апликацијата на почетокот на август за проект кој ќе биде почнат на 12-ти октомври пред да заврши со ритуално рушење на ѕидот на 9-ти ноември, денот на историскиот настан во 1989 година.
„Како што објавивме во август, целта не беше да се создаде „Дизни ГДР”. Тоа не е филмска премиера, туку мешавина од социјален експеримент, уметнички експеримент и … импресивна форма на градење свет,“ вели Томас Оберендер, директор на фестивалот за култура „Берлинер фестпиле“, кој требаше да биде домаќин на мега-настанот.
Целта, рекоа организаторите, беше да предизвика политичка и социјална дебата за слободата и тоталитаризмот, надзорот, соживотот и за националниот идентитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Палестинци: Израел нападна засолништа, домови и џамија во Газа – загинаа повеќе од 90 луѓе
Израелската армија уби најмалку 91 Палестинец, вклучувајќи најмалку 35 деца, во нападите врз Појасот Газа од синоќа, и покрај договорот за прекин на огнот, соопштија медицински извори, објави Анадолија.
Израелската армија уби 31 лице на север, 42 во централните области и 18 на југ од Појасот Газа. Десетици цивили беа ранети во нападите, објави државната новинска агенција Вафа, повикувајќи се на извори во болниците во Газа.
Израелските напади погодија куќи, шатори што се користат како засолништа за раселени цивили, возило, засолниште и болница во рамките на таканаречената „жолта линија“, изјавија медицински лица за агенцијата Анадолија.
„Жолтата линија“ се однесува на зоната во која израелските сили се повлекле во согласност со договорот за прекин на огнот. Таа физички го дели Појасот Газа на два дела, лоцирани во рамките на територијата на Газа, јужно од градот Газа и северно од Кан Јунис.
Во северна Газа, израелската армија таргетираше училиште претворено во засолниште во областа Беит Лахија, при што загинаа тројца цивили и беа ранети неколку други.
Израелската армија гранатираше две куќи во населбата Ал-Наср во бегалскиот камп Шати во западниот дел на градот Газа, при што загинаа осум лица.
Нов израелски напад во среда наутро погоди џамија што служи како засолниште за раселени лица во населбата Сабра во градот Газа, изјавија очевидци за агенцијата Анадолија.
Две лица беа убиени, а десет беа ранети во населбата Зејтун во Газа. Неколку цивили сè уште се водат како исчезнати под урнатините на куќа погодена од израелската армија, додека неколку лица беа ранети во друг напад југозападно од Зејтун.
Израелската армија уби мајка и дете во населбата Тел ал-Хава во Газа.
Четири лица загинаа во напад врз шатор
Во централна Газа, четири лица беа убиени откако израелски напад го погоди нивниот шатор во Деир ал-Балах.
Шест лица беа убиени, а неколку други беа ранети кога израелски авиони бомбардираа училиште претворено во засолниште и куќа во бегалскиот камп Буреиџ.
Пет лица беа убиени во напади врз неколку домови во бегалскиот камп Нусејрат.
Во сличен напад, девет лица, меѓу кои четири деца, беа убиени, а девет се водат како исчезнати под урнатините на куќа погодена од израелската армија во кампот Нусејрат.
Осум лица, меѓу кои три деца, беа убиени во израелски напад врз шатори во кои се сместени раселени семејства во областа Ал-Маваси, западно од Кан Јунис, во јужна Газа.
Медицински извори изјавија дека бројот на жртви може да се зголеми бидејќи многу од ранетите се во критична состојба, а потрагата по исчезнатите под урнатините сè уште е во тек.
фото: принтскрин
Свет
(Видео) Трамп прогласен за мировник во Јужна Кореја, оркестарот му ја свиреше омилената песна
Американскиот претседател Доналд Трамп беше пречекан во Јужна Кореја, каде што доби највисока државна награда – „Големиот ред Мугунгхве“, што му беше доделена како признание за неговата улога на „мировник“ на Корејскиот Полуостров, јави Хина, пренесе Индекс.
Трамп пристигна во Јужна Кореја на крајот од азиската турнеја, а беше пречекан со изведба на неговата омилена песна „YMCA“ од воениот оркестар.
BREAKING 🚨 South Korea just surprised Donald Trump playing YMCA as he steps off Air Force One
America is RESPECTED around the world again
THIS IS AWESOME ❤️ pic.twitter.com/lh7aaA0QOx
— MAGA Voice (@MAGAVoice) October 29, 2025
Јужнокорејскиот претседател Ли Џе Мијонг изрази надеж дека ќе постигне напредок во трговските преговори со САД и го пофали Трамп за неговиот пристап кон Северна Кореја.
Трамп изјави дека иако оваа недела нема да се сретне со Ким Џонг Ун, ќе продолжи да работи на смирување на тензиите меѓу двете Кореи.
„Многу добро го познавам Ким Џонг Ун… само не успеавме да најдеме вистински момент“, рече тој.
Тоа е првпат еден американски претседател да ја добие оваа награда, именувана по националниот цвет на Јужна Кореја – хибискусот Мугунгхва.
Свет
(Видео) Голема штета на аеродромот во Јамајка
Екстремно моќниот ураган Мелиса стигна до копното на Куба откако вчера ја опустоши Јамајка. Тоа е најмоќната бура со која островската нација некогаш се соочила.
Нема потврдени смртни случаи, но голем дел од Јамајка е без струја и интернет, а со оглед на силата на бурата и обемот на штетата, се очекува да биде така. Агенциите за помош велат дека „се подготвуваат за најлошото“.
Има голема штета на меѓународниот аеродром Сангстер во Монтего Беј, Јамајка.

