Свет
Борбата против пожарoт на Тенерифе продолжува – илјадници се евакуирани, се апелира жителите да ги затворат прозорците
На шпанскиот остров Тенерифе продолжува борбата против огромниот шумски пожар. Пожарот доведе до евакуација на 3.800 луѓе.
Во Шпанија од почетокот на годинава изгореа над 76 илјади хектари.
Пожарот во Тенерифе проголта сува шума од двете страни на стрмните карпи во близина на вулканот Теиде, највисокиот врв во Шпанија со над 3.700 метри. Стрмниот терен, високите температури и ветерот го отежнаа пристапот на пожарникарите. Поради пожарот, голем дел од островот е покриен со облаци од чад и пепел. Се предупредуваат граѓаните да ги затворат прозорците и да избегнуваат подолг престој надвор.
„Пожарот веќе зафати осум општини на островот Тенерифе. Неговата вкупна површина е 3.700 хектари“, рече претставник на властите.
Пожарот во Тенерифе е опишан како најразорниот во последните 40 години. Експертите нагласуваат дека е многу интензивен и тешко се гасне.
Регионалниот премиер на Канарските Острови, Фернандо Клавихо, истакна: Стотици пожарникари работат на терен, обидувајќи се да го стават под контрола пожарот. Во гаснењето активно се вклучени и авиони.
Минатата недела топлотниот бран на Канарските острови остави многу области целосно суви, зголемувајќи го ризикот од шумски пожари. Синоптичарите предупредуваат дека во Шпанија претстои нов пораст на температурите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.