Свет
Борел до иранскиот колега: Престанете да давате воена помош за Русија
Шефот на европската дипломатија денеска изјави дека на состанокот во Јордан побарал од својот ирански колега Хосеин Амир-Абдолахијан, Иран да престане со репресијата на демонстрантите и давање воена поддршка за Русија.
Средбата, прва на тоа ниво меѓу двете страни од август, се одржа на маргините на регионалниот самит во Мртвото Море. Тоа се случи во време кога преговорите за иранската нуклеарна програма меѓу Техеран и големите сили се во застој.
На средбата учествуваа и европскиот координатор за преговорите што се водат во Виена, Енрике Мора, и главниот ирански преговарач Али Багери, пренесе агенцијата „Ирна“.
„Неопходен состанок со иранскиот министер во време на влошување на односите меѓу ЕУ и Иран“, напиша Борел на „Твитер“. „Нагласив дека воената поддршка за Русија и внатрешната репресија во Иран треба веднаш да се прекине“, додаде тој.
Necessary meeting w Iranian FM @Amirabdolahian in Jordan amidst deteriorating Iran-EU relations
Stressed need to immediately stop military support to Russia and internal repression in Iran
Agreed we must keep communication open and restore #JCPOA on basis of Vienna negotiations— Josep Borrell Fontelles (@JosepBorrellF) December 20, 2022
ЕУ минатата недела воведе нова серија санкции против Техеран поради неговото задушување на демонстрантите, кои ја потресоа земјата по смртта во притвор во средината на септември на една млада Иранка со курдско потекло.
Амир-Абдолахијан „го осуди пристапот на западните земји, кој се состои во поддршка на бунтовниците и воведување незаконски санкции“ на неговата земја „под лажен изговор за заштита на човековите права“, соопшти неговото министерство.
ЕУ ги санкционира производителите на беспилотни летала и командантите на иранските воздухопловни сили, кои ги обвинува дека се вклучени во продажбата на беспилотни летала на Русија, која ги користи во војната во Украина.
Техеран тврди дека никогаш не ѝ испратил на Русија оружје за употреба во тој конфликт, а Амир-Абдолахијан денеска изјави дека неговата земја е „подготвена да ги реши сите недоразбирања со украинската страна“, се вели во соопштението за печатот.
Борел рече дека двете страни се согласиле да „одржат отворени канали за комуникација и да го обноват“ нуклеарниот договор. Во врска со ова иранскиот функционер ги советува Европејците да „усвојат конструктивен и реален пристап“.
Во април 2021 година во Виена, Иран и големите сили почнаа преговори за обновување на иранскиот нуклеарен договор од 2015 година, кој го гарантира цивилниот карактер на иранската нуклеарна програма. Но, преговорите се во застој.
Тие се заглавени по прашањето за присуство на траги од збогатен ураниум на три локации за што Меѓународната агенција за атомска енергија (МААЕ) бара објаснувања.
Делегацијата на МААЕ во понеделникот се состана со официјални претставници во Иран, меѓу кои беше и Мохамад Еслами, шеф на иранската организација за атомска енергија, според иранската новинска агенција ИСНА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поддршката за Бајден на најниско ниво во последните две години
Поддршката за американскиот претседател Џо Бајден падна на најниско ниво во речиси две години овој месец, што одговара на најнискиот процент од неговиот мандат, покажа денеска објавената анкета на Ројтерс и Ипсос.
Истражувањето покажа дека само 36 отсто од Американците го одобруваат настапот на Бајден, што е намалување од 38 отсто во април.
Ова е враќање на најниското ниво на поддршка за демократски претседател во јули 2022 година, половина година пред Бајден да се соочи со републиканскиот кандидат Доналд Трамп на изборите на 5 ноември.
Поранешниот претседател Трамп има мала предност пред актуелниот претседател во клучните држави за кои се верува дека ќе го одредат победникот.
Друга анкета на Ројтерс и Ипсос, исто така, покажа дека многу демократи не се согласуваат со одговорот на Бајден на израелската офанзива на Појасот Газа, што дополнително ги загрозува неговите изгледи на ноемвриските избори.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.
Свет
Израел: Цивилизирани земји во светот, спротивставете се на Хашкиот суд
Израел денеска ги повика „земјите од цивилизираниот свет“ да се спротивстават на барањето на обвинителот на Меѓународниот кривичен суд кој издаде налози за апсење на неговите водачи.
Израелскиот министер за одбрана Јоав Галант, кого судот во Хаг го бара заедно со премиерот Бенјамин Нетанјаху, го нарече „срамен“ обидот да се меша во војната на Израел против Хамас во Газа.
Одлуката на судот беше критикувана и во Вашингтон, кој го осуди впечатокот за изедначување на двете страни бидејќи обвинителот Карим Кан издаде налози и за палестинските исламисти.
„Ги повикуваме народите на цивилизираниот, слободен свет – нациите кои ги мразат терористите – да застанат со Израел. Треба веднаш да го осудите овој чекор“, рече портпаролот на израелската влада Тал Хајнрих.
„Нека знае МКС каде стоите. Спротивставете се на одлуката на обвинителот и изјавете, дури и ако се издадени налози, дека нема да ги спроведете. Затоа што тоа не е прашање на нашите водачи, туку на наш опстанок“.
Во објава на платформата „Икс“, Галант напиша дека обидот на обвинителот Кан да „го ускрати правото на државата Израел на самоодбрана и да ги ослободи заложниците“ мора да биде отфрлен.
Хамас моментално држи околу 125 израелски заложници, киднапирани во нападот на 7 октомври. Официјални лица од Газа објавија дека за време на израелската офанзива што следеше загинале 35 илјади луѓе.
Кан во понеделникот рече дека Израел има право да го брани своето население, но дека ова право не значи дека Израел е над „почитувањето на меѓународното хуманитарно право“.
Тој смета дека израелските методи како убивање цивили или гладување се нелегални.