Свет
Британија воведе нови санкции против Русија, на удар 92 поединци и организации

Велика Британија воведе санкции против 92 лица и организации поради одржувањето на референдумот во непризнаените сепаратистички републики Донецк и Луганск, како и делови од регионите Херсон и Запорожје, кои се под контрола на руските сили, соопшти денеска британското Министерство за надворешни работи.
Агенцијата „ИМА-консалтинг“ и „Гознак“ се најдоа на листата со санкции, пренесува „Интерфакс“. Беа воведени санкции против одговорните за организирање на референдумот и против голем број олигарси и врвни менаџери на големи руски државни компании. На списокот има 23 високи вработени во Гаспромбанка, 16 вработени во Сбербанк и десет претставници на Совкомбанка.
Во санкциите се вклучени и членовите на одборот на директори на Гаспромбанк, поранешниот шеф на ВЕБ, Владимир Дмитриев, и генералниот директор на друштвото за управување „Лидер“м Анатолиј Гавриленко.
За одржување на референдумот беа санкционирани уште 33 лица, меѓу кои шефот на владата на Херсонската област, Сергеј Елисеев, министерот за образование на непризнаената ЛНР, Иван Кусов, шефот на воено-цивилната администрација (МАЦ) на регионот Запорожје, Евгениј Балицки, вицепремиерот на непризнаената ДНР, Евгениј Солнцев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) „Затоа што не го сака“: Трамп одговори зошто Путин не сака да се сретне со Зеленски

Американскиот претседател Доналд Трамп денес на прес-конференција во Белата куќа изјави дека рускиот лидер Владимир Путин одбива да се сретне со Володимир Зеленски затоа што „не го сака“ украинскиот претседател.
Кога новинарите го прашаа зошто Путин ја избегнува средбата, Трамп кратко одговори: „Затоа што не го сака. Не го сака“.
Reporter: Why doesn’t Putin want to meet with Zelensky?
Trump: Because he doesn’t like him. pic.twitter.com/YYhMYuMqXW
— WarTranslated (@wartranslated) August 25, 2025
Трамп, исто така, потврди дека во меѓувреме разговарал со Путин, по минатонеделната средба со украинскиот претседател и европските лидери во Белата куќа. „Да, разговарав“, рече тој кога новинарите го прашаа дали имал контакт со рускиот лидер од тогаш.
„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, додаде Трамп.
Фото: принтскрин
Свет
Гујаш: Украина не е достојна да биде во ЕУ

Унгарија очекува Европската комисија и Украина да ги исполнат своите безбедносни обврски во врска со нафтоводот „Дружба“, изјави шефот на кабинетот на унгарскиот премиер, Гергеј Гујаш.
„Украина се обврза, како трета земја и кандидат за членство во Европската унија, да обезбеди снабдување со енергија за сите земји од ЕУ, вклучувајќи ги Унгарија и Словачка“, рече Гујаш на брифингот во Владата.
Тој потсети дека на 27 јануари 2025 година, Европската комисија ѝ достави на Будимпешта писмени гаранции за безбедноста на инфраструктурата неопходна за снабдувањето со енергија на Унгарија.
„Очекуваме сите да ги почитуваат своите обврски и правила, и ЕУ и Украина“, нагласи Гујаш.
Покрај тоа, тој остро го критикуваше Киев, оценувајќи дека Украина не е достојна да стане членка на Европската унија затоа што „разнесува гасоводи во државите на заедницата и го напаѓа нафтоводот што ги снабдува индустриските компании“.
„Статусот на членка на ЕУ е неприфатлив за земја која сака да ја загрози енергетската безбедност на земјите-членки на ЕУ со дејствија како што е дигање во воздух на гасовод во трета земја“, рече Гујаш, осврнувајќи се на вмешаноста на украинските специјални служби во саботажата на гасоводот „Северен тек“.
Фото: принтскрин
Свет
Трамп: Америка ќе ја поддржи Украина, сакам таа војна да заврши

Претседателот на САД, Доналд Трамп, денес изјави дека сè уште не разговарал за конкретни безбедносни гаранции за Украина, но дека Соединетите Американски Држави ќе ја поддржат таа земја.
Зборувајќи за војната во Украина, Трамп им рече на новинарите дека сака војната да заврши, пренесува Ројтерс.
Тој рече дека разговарал за ова со рускиот претседател Владимир Путин и дека Путин не работи на состанок со украинскиот претседател Володимир Зеленски, бидејќи не го сака, јавува медиумот.
Трамп рече дека разговарал и за нуклеарно наоружување со Путин, пренесува Танјуг.
Фото: принтскрин