Свет
Британија и Шведска постигнаа договор за воздушна воена соработка

Велика Британија и Шведска постигнаа договор за заедничка воена соработка во воздушните сили во текот на следната деценија, што отвора пат и за другите потенцијални партнери. Овој потег значи дека скандинавската земја би можела да се приклучи на планираниот британски воен проект од новата генерација.
Велика Британија минатата година ги претстави плановите за борбени авиони и неколку беспилотни летала со име „Темпест“, отворајќи многубројни прашања за иднината на европската одбранбена соработка, додека Франција и Германија ја спроведуваат својата сопствена воздушна програма за да одговорат на растечките закани.
„Темпест“, која треба да го замени „Еурофајтер тајфун“ почнувајќи од 2040 година, ќе биде развиена и изградена од најголемата компанија за одбрана на Велика Британија „БАЕ Системс“ во соработка со британскиот производител на мотори „Ролс-Ројс“, британската подружница на италијанските одбранбени сили „Леонардо“ и европскиот ракетен производител „МБДА.“
Шведската компанија „Сааб“ нема веднаш да се приклучи на истиот индустриски тим, но ќе биде вклучена во пошироката студија за технологија која ќе ги скицира британските одбранбени партнерства по брегзит и може да доведе до приклучување и на други земји, додаваат официјалните претставници.
„Брегзит или не, Шведска има стратешки интерес за понатамошно продлабочување на односите со Велика Британија“, рече шведскиот министер за одбрана, Петер Холтквист, на големо воено шоу што се одржа во Западна Англија.
Британското Министерство за одбрана соопшти дека договорот повикува на заедничка програма за воздушна борба и програма за преземање.
Меѓутоа, Шведска изјави дека планот им дозволува на двете страни да спроведат студии со други партнери и истакна дека нивниот Грипен-борец ќе ги исполни потребите на воздухопловните сили „во догледна иднина“.
Аналитичарите од оваа индустрија велат дека Шведска настојува да биде сфатена како сериозен самостоен производител на Грипен-борецот на „Сааб“, а не како помал снабдувач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелската војска ги објави првите фотографии од ослободените заложници во Газа

Израелските одбранбени сили (ИДФ) утрово ги објавија првите фотографии од заложниците ослободени од Хамас, кои подоцна беа предадени на израелската војска.
На фотографиите е и Алон Охел, како и близнаците Гали и Зив Берман како се прегрнуваат по нивното ослободување.
Фотографиите, исто така, ги прикажуваат Гали Берман и Гај Гилбоа-Далал како се среќаваат со израелски војници во Газа утрово.
По прекинот на огнот во Газа, Хамас денес ги ослободува израелските заложници што ги држеше повеќе од две години.
Хамас треба да ослободи 48 заложници, од кои се верува дека 20 се живи, до пладне. За возврат, Израел ќе ослободи 250 палестински затвореници и повеќе од 1.700 лица уапсени во Газа.
Претседателот на САД, Доналд Трамп, прогласи дека „војната е завршена“ додека патува на Блискиот Исток. Трамп ќе се обрати пред израелскиот парламент, а потоа ќе отпатува во египетското одморалиште Шарм ел Шеик, каде што ќе предводи мировен самит на кој ќе присуствуваат најмалку 20 светски лидери.
Свет
(Видео) Израелците го пречекаа конвојот со ослободени заложници на улиците

По прекинот на огнот во Газа, Хамас денес ги ослободува израелските заложници што ги држеше како заложници повеќе од две години.
רכבי הצלב האדום עוזבים את נקודת מסירת החטופים בעיר עזה, לאחר ההעברה. תיעוד שמפרסם גם ערוץ אל-ג'זירה (ערוצים קטרים, כולם להראות מופתעים). כאמור אנשי הזרוע הצבאית במקום, נראה שמנעו מקהל ועיתונאים להיכנס למתחם ההעברה עצמו https://t.co/H5io1pMqKS pic.twitter.com/QprT9D4DoJ
— Nurit Yohanan (@nurityohanan) October 13, 2025
רגעי חציית השבים בחזרה לשטח מדינת ישראל לפני מספר דקות pic.twitter.com/y1yLPYNUIy
— צבא ההגנה לישראל (@idfonline) October 13, 2025
Израелците го пречекаа конвојот со првата група ослободени заложници на улиците.
One of the most historic and emotional moments in the history of Israel 🇮🇱
Hostages are welcomed home by thousands of Israelis after two painful years in Hamas captivity 🎗 pic.twitter.com/h0hqRQ1JyA
— REAL JEW (@THEREALJEW613) October 13, 2025
Свет
Разорни поплави во Мексико: најмалку 47 мртви и 38 повредени

Силни бури предизвикаа пустош низ Мексико, со најмалку 47 мртви и 38 исчезнати во поплавите и лизгањата на земјиштето предизвикани од обилните дождови, соопштија вчера властите.
Околу 260 градови, особено во планинските региони, се отсечени од надворешниот свет. Десетици илјади домови се исполнети со урнатини и кал. Мексиканската претседателка Клаудија Шајнбаум се соочи со протести од жителите за време на посетата на поплавениот град Поза Рика во источната држава Веракруз.
Погодените жители бараат побрза помош од властите. „Знаеме дека луѓето се очајни и загрижени. Ќе се погрижиме за сè“, рече претседателот во видео порака. Многу патишта и мостови се оштетени од силните поплави на реките, а паднатите дрвја и лизгањата на земјиштето блокираат многу патишта. Десетици илјади луѓе останаа без струја поради паднати далноводи.
Метеоролозите предупредија дека се очекуваат уште дождови. Со оглед на тоа што земјата е веќе заситена, ризикот од понатамошни лизгања на земјиштето се зголемува. Најпогодени се областите во источните и централните држави Веракруз, Идалго, Пуебла, Керетаро и Сан Луис Потоси. Десетици илјади домови, клиники, училишта, патишта и мостови се оштетени.
Најголем број смртни случаи досега се регистрирани во Веракруз и Идалго, додека смртни случаи се потврдени и во Пуебла и Керетаро. Сан Луис Потоси претрпе голема штета, но нема жртви. Мексико е на крајот од својата годишна дождовна сезона, која трае околу шест месеци и обично завршува на почетокот на ноември.
Обилните дождови во последните денови се делумно резултат на тропските циклони Присила и Рејмонд во Пацификот, како и временските настани во Мексиканскиот Залив.
фото: принтскрин