Свет
Во Британија повеќе од половина милион стари луѓе нема да разговараат со никого на Божиќ

Речиси еден милион постари луѓе во Велика Британија се чувствуваат поосамено за време на божиќните празници отколку во кое било друго време од годината, покажуваат најновите истражувања.
Приближно 590.000 луѓе постари од 65 години во Велика Британија на Божиќ нема никого да видат и со нигого нема да разговараат, а 1,4 милион од нив ќе вечераат сами – без друштво, покажува истражувањето на хуманитарната организација Age UK, пренесува „Скај њуз“.
Организацијата наведува дека осаменоста и социјалната изолација се проблем за старите лица во Велика Британија во текот на целата година, но и дека овие надежи особено тешко им паѓаат во празничниот период кога секој десетти постар човек е сам, како што е случајот денес, 25 декември. Според истражувањата, речиси милион постари луѓе во овој период од годината се чувствуваат поизолирано отколку во кое било друго време во текот на годината, пренесува „Танјуг“.
Поради оваа причина, Age UK во декември организира стотици настани во Велика Британија, што, како што велат, е можност за членовите на постарата популација да се сретнат со други луѓе од локалната заедница.
Една од облиците на помош што оваа хуманитарна организација им ја дава на старите лица е телефонската линија „Сребрена линија“, која работи 365 дена во годината, пишува „Скај њуз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.