Свет
Британка лажно обвинила мажи за силување, сама си нанела повреди со чекан

Судот во англискиот град Престон ја осуди 22-годишната Елинор Вилијамс на осум и пол години затвор за лажно обвинение на група Азијци за силување. Вилијамс објави фотографии од повредите на социјалните мрежи тврдејќи дека тие се резултат на физички напад, што предизвика протести во нејзиниот роден град Бароу.
Во текот на судењето било откриено дека девојката сама си ги нанела раните со чекан. За време на дводневното рочиште беше кажано дека тројцата мажи, кои беа лажно обвинети од Вилијамс, се обиделе да си го одземат животот откако претрпеле „пекол на земјата“, пишува Би-би-си.
Судијата Роберт Алтам рекол дека Вилијамс имала тешкотии уште од детството и историја на самоповредување. Сепак, тој нагласи дека нејзините наводи се крајно сериозни и дека е загрижувачки тоа што „нема значителни знаци на каење“ и „нема објаснување зошто обвинетата ги извршила овие кривични дела“.
„Таа отиде до крајни граници за да создаде лажни обвиненија, вклучително и предизвикување значителна штета“, додаде судијата. Лажните обвиненија резултираа со „состојба на зголемена тензија“ во Бароу, при што полицијата ги опишува турбуленциите како нешто што не се видело во градот со децении.
Протести беа организирани и пред полициската станица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.