Свет
Британската министерка за транспорт поднесе оставка поради неточна изјава: лажно ѝ изјавила на полицијата дека ѝ бил украден службениот телефон

Британската министерка за транспорт Луиз Хејг поднесе оставка откога беше откриено дека претходно лажно ѝ кажала на полицијата дека ѝ бил украден службениот мобилен телефон, објави денеска „Скај њуз“.
Хејг поднесе оставка откога „Скај њуз“ откри дека во четвртокот се изјаснила за виновна за заблуда на полицијата со лажно тврдење дека нејзиниот службен мобилен телефон бил украден во 2013 година.
Во своето писмо со оставка утринава таа го опиша инцидентот како грешка.
„Како што знаете, бев ограбена во Лондон во 2013 година. Како 24-годишна жена тоа искуство ми беше застрашувачко. Веднаш потоа го пријавив настанот во полиција. На полицијата ѝ дадов список со мојот имот за кој верував дека е украден вклучувајќи го и мојот деловен телефон. Некое време подоцна открив дека мобилниот телефон сè уште е во мојата куќа. Требаше веднаш да го известам работодавецот, а тоа што не го направив веднаш беше грешка“, навела Хајг во оставката, пренесува „Танјуг“.
Премиерот Кир Стармер ѝ се заблагодари на Луиз Хејг за „сè што направи за да го исполни амбициозниот план за транспорт на владата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белата куќа: Трамп се чувствува лошо затоа што Израел го нападна Хамас токму во Доха

На брифинг во Белата куќа, портпаролката Каролин Ливит изјави дека израелскиот напад врз Доха, кој погоди комплекс каде што престојуваа високи лидери на Хамас, „не придонесува за израелските или американските цели“. Сепак, таа додаде дека претседателот Доналд Трамп сè уште верува дека елиминацијата на Хамас е „достојна и легитимна цел“.
Ливит нагласи дека Катар е близок сојузник на Соединетите Американски Држави и дека Трамп се чувствува многу лошо во врска со локацијата на нападот. Таа додаде дека претседателот работи „активно и решително“ за да постигне мир.
Според неа, по нападот, Трамп разговарал со израелскиот премиер Бенјамин Нетанјаху и емирот на Катар.
Израелскиот премиер Нетанјаху претходно потврди дека лично одобрил „хируршки прецизен удар“ врз лидерите на Хамас во Доха, а израелската армија и Шин Бет објавија дека станува збор за заедничка операција против „врвното раководство“ на таа организација. Катар остро го осуди нападот, нарекувајќи го грубо кршење на меѓународното право, додека Хамас соопшти дека неговата преговарачка делегација преживеала, но во нападот загинале шест лица, вклучувајќи го и синот на главниот преговарач Калил ал-Хаја.
Свет
Хамас: Нашиот преговарачки тим го преживеа израелскиот напад

Хамас објави дека неговата преговарачка делегација го преживеала израелскиот напад врз главниот град на Катар, тврдејќи дека Израел се обидел да ги убие нивните преговарачи.
„Потврдуваме дека непријателот не успеа да ја убие нашата преговарачка делегација“, се вели во соопштението. Се додава дека нападот „несомнено потврдува дека Нетанјаху и неговата влада не сакаат да постигнат никаков мировен договор“.
Во истото соопштение, Хамас наведува дека во нападот биле убиени уште шест лица.
„Ги сметаме Соединетите Американски Држави за соодговорни за ова злосторство, поради нивната континуирана поддршка за агресија и злосторства на окупација против нашиот народ“, соопшти Хамас.
Хамас претходно објави дека израелскиот напад бил насочен конкретно кон нивната преговарачка делегација за време на состанокот во Катар, додека израелската армија потврди дека бил насочен кон високото раководство на Хамас. Ал Арабија објави дека главниот преговарач на Хамас, Калил ал-Хаја, е убиен, што Хамас сега го негира.
Свет
Извор од Белата куќа потврди дека Израел ја информирал Америка пред нападот врз Катар

Израел ги предупредил САД дека подготвува воздушни напади врз претставници на Хамас во Катар, изјави висок функционер на Белата куќа.
„Информирани сме“, рече функционерот, кој сакаше да остане анонимен. Според агенциите, во заедничката изјава на израелскиот премиер Бенјамин Нетанјаху и министерот за одбрана Израел Кац се наведува дека по нападот во Ерусалим, израелскиот премиер им наредил на своите безбедносни агенции да подготват напад врз раководството на Хамас.
Се вели дека можноста се појавила денес попладне и дека, со целосна поддршка од одбранбените лидери на Израел, тие заедно одлучиле да дадат зелено светло за нападот.
Се додава дека ИДФ и Шин Бет биле информирани за плановите за нападот синоќа.
Во соопштението се наведува дека Нетанјаху и Кац веруваат дека нападот бил оправдан бидејќи раководството на Хамас стоело зад нападот врз Израел на 7 октомври 2023 година и пукањето во Ерусалим во понеделник.
Денес, Хамас ја презеде одговорноста за вооружениот напад врз автобуската станица во Ерусалим, во кој беа убиени шест Израелци, а неколку беа повредени.
Ниту Израел ниту Хамас официјално не потврдија дали лидерите на Хамас го преживеале нападот во Катар или биле убиени.