Свет
Вагони од товарен воз излетале од шините во северниот дел на Њујорк
Десет вагони од товарен воз кој превезувал пластични пелети и масло за јадење излетале од шините во северниот дел на Њујорк.
Два од вагоните завршија во реката, соопштија денеска градските власти.
Нема пријавени повредени и нема опасни материјали, изјави претходно денеска Том Кјуба, портпарол на компанијата Berkshire & Eastern.
„Два вагона паднаа во реката Хјусик, од едниот истече мала количина масло за јадење, а од другата пластична смола“, најави Кјуба, додавајќи дека изведувачите се на терен за да ги извлечат вагоните од реката, а целата процедура ќе потрае некое време.
Тој исто така истакна дека во тек е фундаментална истрага за причините за инцидентот, пренесува АП.
Дел од државната рута во таа област е затворена, соопштија окружните власти.
Комесарот за животна средина во Њујорк, Басил Сегос, на социјалните мрежи од местото на настанот изјави дека ситуацијата е стабилизирана и дека напорите се пренасочени кон излетаните вагони.
Оваа несреќа е втора во регионот во последните шест месеци. По излетувањето на воз од шините во Охајо, пред една година, што предизвика пожар, големите американски товарни железници објавија серија чекори за подобрување на безбедноста, но реформите заостанаа во Конгресот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.