Свет
Велика Британија денеска ја објавува забраната за „Тик-ток“ на владините телефони
Велика Британија денеска ќе објави забрана за „Тик-ток“ на официјалните телефони на владините претставници по другите западни земји, кои веќе ја забранија видеоапликацијата во кинеска сопственост од безбедносни причини, објави „Ројтерс“ цитирајќи британски медиуми.
Министерот за безбедност на Обединетото Кралство, Том Тугенхут, побара од Националниот центар за сајбер-безбедност (NCSC) да ја истражи кинеската апликација откога владите во светот почнаа да ја забрануваат нејзината употреба на официјалните телефони.
Се очекува британската влада денеска да даде изјава во врска со безбедноста на своите уреди, објави „ПА медија“.
„Тик-ток“ е на удар на властите во неколку земји поради стравувањата дека корисничките податоци од апликацијата, во сопственост на кинеската компанија „Бајт денс“, би можеле да завршат во рацете на властите во Пекинг, што може да ги поткопа безбедносните интереси на Западот.
На прашањето за потенцијална забрана на „Тик-ток“, министерот Тугендхат претходно оваа недела рече дека разбирањето на предизвиците што ги претставува апликацијата е неверојатно важно.
Компанијата „Бајт денс“ за „Ројтерс“ денеска изјави дека администрацијата на американскиот претседател Џо Бајден побарала да се откаже од својот удел во популарната видеоапликација или да се соочи со можна забрана во САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Свет
Ураганот Хелена опустоши делови од Америка: една од најсмртоносните бури однесе најмалку 160 животи
Ураганот Хелена стана вториот најсмртоносниот ураган во САД во последните 55 години со број на загинати над 160, објави „Фокс њуз“.
Повеќе од 160 луѓе загинаа во шест држави – Флорида, Џорџија, Јужна Каролина, Северна Каролина, Вирџинија и Тенеси.
Стотици луѓе сè уште се водат за исчезнати по ураганот поради прекини на струјата и тешкотии во комуникацијата.
Тешко погодените региони, вклучително и делови од западна Северна Каролина, добиваат помош од разни држави, а екипите за итни случаи продолжуваат да се обидуваат да стигнат до изолираните заедници уништени од поплавите.
Сцените од малите градови, како што се Чимни Рок, Свананоа и селото Билтмор, ги прикажуваат опустошените делови од регионот.
Според гореспоменатата медиумска компанија, првиот најсмртоносниот ураган што ги погодил САД бил ураганот Катрина во 2005 година, кој бил дури и поголем од ураганот Камил, кој го погоди брегот на Мексиканскиот Залив во август 1969 година.
Бајден најави дека денеска ќе отпатува во Ешвил, Северна Каролина, а треба да ги посети и Флорида и Џорџија.
Свет
Три лица уапсени по експлозиите во близина на израелската амбасада во Данска
Полицијата уапсила тројца мажи, наводно поврзани со две експлозии што утринава се случиле во близина на израелската амбасада северно од Копенхаген, пишува „Њујорк тајмс“.
Двајца од мажите се уапсени на централната станица во Копенхаген, а третиот на друго место во градот, се вели во соопштението на полицијата. Не се соопштуваат повеќе детали за осомничените.
Експлозиите, кои се случиле околу 3.20 часот, според полицискиот оддел во Копенхаген, биле пријавени во Хелеруп, приморско предградие северно од Копенхаген, каде што се сместени неколку амбасади.
Мајкл Рахлин, портпарол на еврејската заедница во Данска, рече дека единственото еврејско училиште во Копенхаген е затворено бидејќи се наоѓало во близина на областа.
Експлозиите се случија еден ден откога полицијата во Стокхолм соопшти дека таму имало пукање во израелската амбасада. Полицијата во Шведска го истражува наводното пукање, но соопшти дека никој не е повреден.