Свет
Вереницата на Кашоги ја одби поканата на Трамп да дојде во Белата куќа
Хатиџе Ченгиз, вереницата на убиениот саудиски новинар, Џамал Кашоги, ја одби поканата на американскиот претседател Доналд Трамп, да дојде во Белата куќа. Според неа Трамп ја повикал со цел да ја придобие јавноста на своја страна.
Во телевизиско интервју, прво откако нејзиниот вереник е убиен, Хатиџе Ченгиз вели дека повикот на Трамп го разбира како изјава заради придобивање на јавноста, пренесува Ројтерс.
Таа нагласува дека нема да го прифати повикот се додека САД не покажат искрени напори во решавање на убиството на Кашоги и не побараат одговорните за убиството да се доведат пред лицето на правдата и да се казнат.
Таа во интервјуто раскажуа дека Кашоги отишол во конзулатот прв пат на 28 септември, но дека за време на таа посета тој бил добро третиран. Додаде дека знаела оти Кашоги си поставувал прашања самиот на себе и имал сомнежи дека нешто би можело да се случи во конзулатот, но верувал дека нема да биде уапсен или повреден во Турција.
„Мислеше дека Турција е сигурна земја и ако би бил задржан и испитуван, тоа многу брзо би се разрешило“ додаде Ченгиз.
Турскиот претседател Реџеп Таип Ердоган во петокот побара од Саудиска Арабија да открие кој го наредил убиството на Кашоги, како и местото каде се наоѓа неговото тело.
Саудиските власти вчера соопштија дека на сторителите на убиството ќе им се суди во Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес со јачина од 4,6 степени го погоди Крит
Земјотрес со јачина од 4,6 степени го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот се случил на длабочина од 10 километри, додава EMSC.
Епицентарот се случил на 40 километри југоисточно од градот Сити, кој има околу 9.000 жители.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.