Европа
(Видео) Бурна ноќ во Франција по убиството на тинејџер: уапсени 20 лица, полицијата употреби солзавец

Дваесет лица се уапсени поради нарушување на јавниот ред и мир за време на протестите што избувнаа во Франција кога полицаец уби 17-годишен тинејџер.
Убиството е снимено во Нантер, западно од француската престолнина, откога беше кажано дека младиот, кој по потекло е од Алжир, ги прекршил сообраќајните правила. Набргу жртвата била идентификувана како Наел М., 17-годишен возач на доставувач.
Полицаецот во меѓувреме е уапсен, а околностите под кои се случило убиството сè уште се нејасни.
There have been violent clashes between police and groups of youths in the Paris suburb of Nanterre after a teenager was apparently shot dead by an officer during a traffic stop.
Read more: https://t.co/HB1WyEqN0K pic.twitter.com/Zn6AnJo9Kh
— Sky News (@SkyNews) June 28, 2023
Синоќа на улиците на Париз избувнаа нереди, а беа запалени и неколку автомобили.
Полицијата употреби солзавец за да ги растера помалите групи, кои почнаа да прават хаос.
Иако ситуацијата се смири нешто по 3 часот наутро, тензиите продолжија, а протестите се проширија и во другите делови на Париз.
Во меѓувреме, обвинителите потврдија дека неименуваниот полицаец одговорен за пукањето е под истрага за убиство. Жртвата, идентификувана како Наел М., починала вчера по 9 часот откога во него било пукано половина час претходно.
Градоначалникот на Нантер, Патрик Гери, рече дека е шокиран од видеата и ѝ изрази сочувство на мајката на момчето.
„Толку е тажно, тој беше толку млад“, рече Самија Боу (62), поранешна сосетка на тинејџерот, која дошла да положи букет жолти рози на местото на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Данските власти поставија воен радар на аеродромот во Копенхаген за откривање дронови

Откога неидентификувани дронови беа забележани над данските аеродроми и воени бази речиси секоја вечер минатата недела, данските власти презедоа низа мерки за да се осигурат дека претстојниот состанок на лидерите на Европската Унија во Копенхаген ќе помине без безбедносни закани.
Откога минатата сабота беше забранета целата активност на дронови над Данска, фрегатата на германската морнарица „ФГС Хамбург“ се закотви во пристаништето во Копенхаген во неделата. Германскиот брод ќе придонесе за надзор на данскиот воздушен простор за време на самитот на Европската Унија, објавија данските медиуми.
Најновата мерка на данските власти е инсталирање современ радар за откривање и следење дронови „Вајбел Ксента“ на аеродромот „Каструп“ во Копенхаген.
Данската полиција и Генералштабот на вооружените сили не сакаа да дадат подетаљни информации за радарот што може да се види зад оградата кај „Каструп“. Познато е само дека станува збор за уред од данската компанија „Вајбел саентифик“, што може да детектира сите летала на растојание до 30 километри.
фото: принтскрин
Европа
Орбан: Секој друг извор на нафта и гас, освен рускиот, е несигурен и поскап

Снабдувањето на гас и нафта од Русија е загарантирано за Унгарија, а секој друг извор на енергија е несигурен и поскап, изјави денес унгарскиот премиер, Виктор Орбан.
„Ниеден разумен човек не би разменил нешто сигурно за нешто неизвесно“, рече Орбан денес во поткастот Fight Hour, како што објави унгарската агенција MTI. Унгарскиот премиер рече дека испораката на енергија од Русија е загарантирана и дека цената е пониска отколку од другите земји. Доколку Унгарија купува нафта и гас од други земји по повисока цена, ќе мора да им наплаќа повеќе на своите жители, рече Орбан.
Унгарија, Словачка и Чешка се трите европски земји на кои им се дадени ослободувања од европските санкции за увоз на руска нафта. Чешка оттогаш обезбеди други извори на снабдување, но Унгарија и Словачка продолжуваат да увезуваат нафта од Русија преку нафтоводот „Дружба“.
фото: принтскрин
Европа
Рекорден премин на Ла Манш: 125 мигранти пристигнаа со еден брод

Рекорден премин на Ламанш беше забележан во саботата кога дури 125 лица пристигнаа во еден мал брод, што е досега најголем број патници во еден брод. Вкупно, речиси 900 мигранти го преминаа Ламанш во саботата, пишува Би-би-си.
Со ова е соборен претходниот рекорд од август, кога во еден брод имаше 106 лица. Официјалните податоци од Министерството за внатрешни работи потврдуваат дека 895 мигранти пристигнале во 12 бродови во саботата, со што вкупниот број на преминувања од почетокот на 2025 година достигна приближно 33.000.
Во сенка на нова трагедија
Веста доаѓа откако уште еден мигрант почина обидувајќи се да премине, а неговото тело беше пронајдено во неделата наутро на плажа во близина на Булоњ-сур-Мер во северна Франција, објави новинската агенција АФП.
Возраста и националноста на починатиот сè уште не се познати. Обвинителката на пристанишниот град, Сесил Гресиер, изјави за АФП дека истрагата ќе утврди дали постои врска помеѓу оваа смрт и обидот за премин во близина на Екиен-Плаж, каде што беше пронајдена 49-годишна жена и однесена во болница поради хипотермија.
Во саботата, две жени од Сомалија исто така ги загубија животите откако нивниот импровизиран чамец наиде на проблеми. Со ова, бројот на смртни случаи при обид за нелегално преминување од Франција во Велика Британија оваа година се искачи на најмалку 27.
фото: принтскрин