Европа
(Видео+Фото)16-годишно девојче загина во силното невреме во Италија, градот уништи автомобили и згради
Невреме со град и обилни врнежи ја погоди северна Италија во текот на ноќта. Пожарникарите утринава известија за многу тешка ситуација“во Милано и неговата околина. Тие изјавија дека веќе неколку дена континуирано ја санираат штетата, а сега состојбата дополнително ја влоши последното невреме, пишува „АНСА“.
⛈️ Intensa tormenta azotando en Cologno Monzese, provincia de Milán, región de Lombardía, Italia.
📹: Eros di Cosmo pic.twitter.com/IHjlaxYvEd
— 𝑪𝒆𝒏𝒕𝒊𝒏𝒆𝒍𝒂35 (@Centinela_35) July 24, 2023
Службите за итни случаи во Милано соопштија дека добиле повеќе од 200 повици за помош низ градот од 4 часот наутро поради урнати дрвја, поплави и оштетувања на домовите. Остатокот од Ломбардија исто така ги почувствува последиците од невремето. Шеснаесетгодишно девојче загинало кога врз неа паднало дрво додека спиела во шатор во извиднички камп во близина на Бреша.
Ситуацијата беше критична и во другите северни региони. Во Венето 16-годишно момче било удрено од гранка, а седум лица по силните удари од градот со повреди се пренесени во болница.
„Градот уништи покриви, автомобили и згради“, рече гувернерот на Венето, Лука Заја.
„На селата ги уништи посевите, лозјата, овоштарниците и оранжериите. Возовите се прекинати меѓу Бреша и Падова“, додаде тој, заблагодарувајќи им се на службите за итни случаи и повика на економска поддршка за погодените области. Додека јужните и централните италијански региони владеат со екстремни горештини, северот на земјата со денови се соочува со грмотевици.
Премиерката Џорџија Мелони денеска потврди дека е во постојан контакт со министерот за цивилна заштита Нело Мусумечи во врска со тешката метеоролошка ситуација во Италија.
„Свесни сме за тешката метеоролошка состојба и во постојан контакт сум со министерот Мусумечи. Им благодарам на Цивилната заштита која се мобилизираше од самиот почеток и на Противпожарната бригада за важната работа што ја вршат“, порача таа преку Твитер.
Мусумечи истакна дека Италија минува низ еден од најтешките денови во последните неколку децении. „Во Италија се соочуваме со еден од најкомплексните денови во последниве децении: облаци, торнада, град на север; екстремни горештини и разорни пожари во центарот и југот“, истакна тој.
„Додека тагуваме за трите жртви во овие 24 часа, чувствувам дека морам да им се заблагодарам на пожарникарите, управата за цивилна заштита и волонтерите, полицијата, шумските работници и сите кои се мобилизираа во најтешките ситуации во овие последни неколку часа“, додаде тој.
„Климатските промени бараат секој од нас да се промени. Но, денес ќе се справиме со санирање на штетите. А ги има многу!“, посочи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.
Европа
Атентаторот што го застрела Фицо се соочува со доживотен затвор: полицијата му го пребарала автомобилот
Јурај Цинтула (71), кој вчера трипати го застрела словачкиот премиер Роберт Фицо, е обвинет за обид за убиство со умисла поради одмазда против заштитено лице, објавија словачките медиуми.
Според порталот „ТВ новине“, на Цинтула му се заканува казна од 25 години затвор до доживотен затвор. Истражител од Националната агенција за криминал го обвинил за убиство со умисла, а тој ја поминал ноќта во ќелија.
⚠️Robert Fico shooter says he 'disagreed with government policies' — local media
📢 He did not do this alone. He was sent to do this by the globalists pic.twitter.com/u79vPVStcP
— The Dibster (@richarddibX) May 15, 2024
Цинтула, кој инаку е во пензија, испукал пет куршуми кон премиерот Роберто Фико, од кои три го погодиле.
Полицијата веднаш го уапсила напаѓачот, а бил претресен и неговиот автомобил, во кој бил пронајден телефон.
Се сомнева дека мотивот за убиството е несогласување со политиката на актуелната власт и измените што се направени или најавувани.
Доколку вината се докаже, за ова дело му се заканува казна затвор од 25 години до доживотен затвор.
Како што пренесува „ТВ Маркиза“, напаѓачот во полиција изјавил дека нападот го планирал неколку дена порано. Планирал да го повреди премиерот, но рекол дека не сака да го убие. Тој легално поседувал оружје повеќе од 30 години.
Фицо со хеликоптер бил префрлен во болница, каде што бил опериран повеќе од пет часа.
Европа
Деветмесечно момче од Велика Британија се задави од шпагети во градинка: мајката ја предупредила воспитувачката дека не може да јаде цврста храна
Мајката на деветмесечното момче од Велика Британија, кое почина кога се задави од храна во градинка, се обидела да го предупреди персоналот дека не може да јаде цврста храна.
Малиот Оливер Стипер почина во болница шест дена откога се задави од храна во градинка во Кент. Според британските медиуми, работничката во градинката истовремено хранела четири деца со болоњезе-тестенини кога малиот Оливер се задавил.
Оливер имал само два предни заба поради што дома јадел пасирана храна, пренесува „Скај њуз“.
Работниците во градинката ги уверувале неговите родители дека цврстата храна може да се испасира пред да му биде дадена и тие претпоставиле дека тоа ќе биде направено затоа што тој „не можел правилно да џвака“, беше кажано на судот.
Мајката пред судот рекла дека има намера да ги потсети вработените во градинката дека цврстата храна не му одговара, пренесува „Скај њуз“.
Размислувала веднаш да испрати имејл во градинката, но не сакала да биде напорна.
„Во градинка му дадоа овошна салата, јасно беше дека не е пасирана. Реков дека ќе разговарам со вработените следната недела“, изјави мајката во судот.
Подоцна едно утро, таа добила повик од дневниот престој и ѝ кажале дека син ѝ учествувал во инцидент и дека се задавил од храна.
Кога пристигнала во градинката, видела болничар како трча со син ѝ во рацете додека вршел компресија на градите.
Оливер бил пренесен во болница, но скенирањето на мозокот покажало дека нема да преживее, а момчето починало шест дена подоцна.
Полицијата во Кент истражувала што се случило, но не било преземено ништо.
Родителите решиле да го праќаат Оливер во градинка само неколку дена во неделата бидејќи таа била на 20 минути од нивната куќа и изгледала како семејна градинка.
Судењето продолжува.