Свет
(Видео) Автобус падна во клисура во северна Индија, 16 загинати, меѓу кои и деца

Патнички автобус излетал од планински пат и паднал во клисура во северна Индија, при што загинале 16 лица. Меѓу загинатите се и училишни деца, изјави претставник на индиската влада.
Спасувачите ги извлекле тешко повредените од остатоците од возилото и ги пренеле во болница, јавува Еј-би-си.
Надлежните велат дека во автобусот имало 20 лица.
16, including children, dead as a bus falls into gorge in Himachal Pradesh’s Kullu
Death toll may rise #India #HimachalPradesh #KulluAccident pic.twitter.com/UtDEELt5xG— Transcontinental Times (@Transctimes) July 4, 2022
Фотографиите споделени на социјалните мрежи покажуваат дека спасувачите се обидуваат да ги спасат преживеаните од згмечениот автобус.
16 dead,dozen injured as school bus falls off a cliff of himachal pradesh India
Please pray for every one #MunawarFaruqui #MunawarKiJanta #MunawarWarriors #HimachalPradesh pic.twitter.com/noERrJsRFz— CARRY MINATI OFFICIAL™ (@CARRYMINATITEAM) July 4, 2022
Не се знае точната причина за несреќата. Индискиот премиер Нарендра Моди изрази жалење поради несреќата.
Сообраќајните несреќи со фатални последици се чести во Индија поради лошо одржувани патишта и застарени возила. Секоја година повеќе од 110.000 луѓе умираат во сообраќајни несреќи низ Индија, според податоците на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.