Свет
(Видео) Бебето префрлено преку бодликава жица во хаосот во Кабул, повторно е со таткото
Видеото кое го пренесоа светските агенции а на кое се гледа како американски маринец крева бебе преку заштитна жица на аеродромот во Кабул, привлече големо внимание, пренесуваат медиумите.
Портпаролот на Пентагон, Џон Кирби, изјави дека на маринците им било кажано дека неименуваното бебе е болно и дека била побарана помош.
Footage from outside Kabul airport shows an infant being passed over razor wire to soldiers on top of barricades.
Get live Afghanistan updates: https://t.co/iljScPOcvY pic.twitter.com/FVgrQtHQwL
— Sky News (@SkyNews) August 20, 2021
„Родителот на бебето побара од маринците да се грижат за бебето затоа што таа беше болна. Маринецот ја однел во норвешката болница, која се наоѓа на аеродромот. По третманот, бебето беше вратено кај таткото“, рече тој.
Кирби додаде дека не знае кој е таткото, ниту каков е статусот на семејството.
„Ова е вистински пример за професионалноста на маринците на лице место, кои донесуваат брзи одлуки во динамична ситуација како поддршка на операциите за евакуација“, изјави мајорот Џим Стенгер за „CBS News“.
Претходно, британското министерство за одбрана објасни дека на аеродромот не останало ниедно дете без придружба, ниту пак без придружба било евакуирано од главниот град на Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
За иранскиот претседател убиството на Хамнеи е „објава на војна против муслиманите“
Иранскиот претседател Масуд Пезешкијан изјави дека убиството на врховниот водач ајатолахот Али Хамнеи во американските и израелските напади претставува „објава на војна против муслиманите“.
„Атентатот на највисокиот политички авторитет на Исламската Република Иран и истакнат водач на шиитизмот ширум светот … се доживува како отворена објава на војна против муслиманите, а особено против Шиитите, насекаде во светот“, вели Пезешкијан во изјавата пренесена од државната телевизија.
Тој додава дека одмаздата за убиството на Хамнеи е право и обврска на Исламската Република.
„Исламската Република Иран го смета за своја легитимна должност и право да им се одмазди на сторителите и на мозоците на ова историско злосторство“, вели Пезешкијан, пренесе Тајмс оф Израел.
Свет
Унгарија ги осуди иранските напади врз заливските држави
Министерот за надворешни работи и надворешна трговија на Унгарија, Петер Сијарто, изјави дека Будимпешта најостро ги осудува иранските напади врз суверенитетот и територијалниот интегритет на заливските држави.
Како што наведе, нападите насочени кон Обединетите Арапски Емирати, Катар, Бахреин, Кувајт и Саудиска Арабија претставуваат сериозна закана за регионалната безбедност.
„Секој чекор што води кон ескалација на конфликтот е неприфатлив и дополнително ја зголемува нестабилноста на Блискиот Исток. Безбедноста и стабилноста на регионот се од глобален интерес, а Унгарија поддржува деескалација“, порача Сијарто во објава на социјалната мрежа Икс.
Тој додаде дека Унгарија изразува солидарност со своите партнери во регионот, кои, според него, се изложени на континуирани напади.
Свет
(Видео) Израелската армија објави снимка од нов голем напад врз Техеран
Израелските одбранбени сили (ИДФ) објавија снимка од воздушен напад врз, како што наведуваат, „штаб на иранскиот терористички режим“ во Техеран.
На видеото се гледа уништување на две згради во иранската престолнина.
Претходно, војската соопшти дека спроведува бран обемни напади врз „цели на иранскиот терористички режим во срцето на Техеран“.
צפו בתיעוד ראשון מהמטס הרחב של חיל האוויר בלב טהראן
מצורף תיעוד מהדקות האחרונות של השמדת מפקדה של משטר הטרור האיראני בלב טהראן pic.twitter.com/jGSpx0oo2Y
— צבא ההגנה לישראל (@idfonline) March 1, 2026

