Свет
(Видео) Белорусија донела руски екипи да ги преземат државните медиуми
Директорка на еден државен ТВ-канал за вести во Белорусија изјави во средата дека таа и другите штрајкувачи неделава биле заменети со руска екипа за време на тековните антивладини протести во земјата.
Белорускиот портал TUT.BY во средата објави видео во кое жената, која се идентификува како Алена Мартиновскаја, директорка на државниот ТВ и радиоканал „Белорусија 3“.
Мартиновскаја му кажува на локален репортер дека нејзе и на нејзините колеги во редакцијата во средата им било забрането да продолжат со работа откако учествувале во работничките штрајкови изминатите неколку дена, тврдејќи дека државната компанија донела руски специјалисти за да ги заменат.
„Денес, моите колеги и јас отидовме на работа околу 9 часот наутро. Пред зградата имаше полицаец кој чуваше стража. Тој ме праша каде одам и јас му реков: ‘Да работам’. Тој рече: ‘Те молам, покажи ми ја твојата легитимација’ и праша за моето презиме“, вели Мартиновскаја во клипот, преведен и транскрибиран од руски на англиски од „Њузвик“.
„Тогаш тој ми рече: ‘Вие сте на црната листа и не можеме да ве пуштиме’. Прашав зошто и тој рече: ‘Ете така. Јавете му се на шефот за да потврдите што се случува’ “, продолжува таа.
Сотрудница Белтелерадиокомпании говорит, что сегодня ее не пустили на работу. По ее словам, бастующих сотрудников заменили российскими специалистами. pic.twitter.com/Di5LtePPAz
— TUT.BY (@tutby) August 19, 2020
Мартиновскаја се сомнева дека „црната листа“ вклучува имиња на луѓе како неа, кои или излегоа на штрајк или ги напуштија своите работни места за да протестираат против резултатите од неодамнешните претседателски избори во Белорусија. Таа тврди дека владата на Белорусија донела руски екипи за да ги замени новинарите од црната листа.
„Два авиона со вработени беа испратени од Русија. Тие ги преземаат нашите одговорности за голема сума пари“, тврди Мартиновскаја.
На 9 август Александар Лукашенко го доби својот шести последователен мандат како претседател на Белорусија, каде што владее изминатите 26 години како прв и единствен претседател.
Дисиденти велат дека Централната изборна комисија на Белорусија ги фалсификувала резултатите од изборите за да му го донесе убедлива победа на Лукашенко и излегоа на улиците да протестираат против гласањето.
Протестите продолжија на национално ниво изминатите 11 дена и прераснаа во општо движење против Лукашенко. Демонстрациите се соочија со прекумерна сила од полицијата, но добија поддршка од САД и Европската Унија.
Во средата ЕУ рече дека не ги признава резултатите од претседателските избори на 9 август како легитимни и најави дека ќе воведе нови санкции за претставниците на Белорусија одговорни за насилството, репресијата и за измама на изборите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.