Свет
(Видео) Внукот сведочи како ајкула ја нападнала баба му: Скокна по неа, таа врескаше!
Посетителите на плажа во Јужна Каролина се предупредени да бидат дополнително внимателни на плажите, откако две лица беа нападнати од ајкула на истата плажа во ист ден.
Ужасните напади се случија во водите околу познатата Миртл Бич во Јужна Каролина во понеделникот, при што една жртва беше тешко повредена.
Жената била шиена со часови и биле потребни стотици конци за да се сошие, јавуваат локалните медиуми.
Карен Сајтс, која беше една од жртвите, рече: „Почувствував нешто, претпоставувам, ме касна, а всушност имаше ајкула на мојата рака. Бев во вода до половината – постојано ја притискав ајкулата за да ја одбијам и успеав за еден момент“.
Во тоа време таа била со нејзиниот осумгодишен внук кој бил оддалечен само неколку метри.
За среќа, тој не бил повреден. Рекол: „Не можев ни да ја видам ајкулата како доаѓа, но сè што видов е дека ајкулата скокна и ја гризна баба ми, а потоа таа врескаше и штом ајкулата ја допре, таа падна во водата“.
Сајтс беше итно пренесена во болница и се очекува наскоро целосно да закрепне. Но, само неколку часа подоцна, уште едно лице било нападнато.
Полицискиот оддел во Миртл Бич сè уште не објави детали за вториот напад, но плажата беше затворена накратко по двата инцидента кои се случиле на само неколку метри еден од друг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.