Европа
(Видео) Во Португалија беснеат пожари, три лица загинаа

Најмалку три лица загинаа, а 17 се повредени во шумските пожари кои беснеат низ Португалија, објавија португалските власти.
Пожарникар починал од срцев удар, а пронајдени се телата на двајца цивили, јави новинската агенција ЛИСА, повикувајќи се на агенцијата за цивилна заштита АНЕПЦ.
🚨 In Portugal a massive wildfire is out of control. With at least 15 fires raging in central and northern regions. Portugal has requested more fire-fighting planes from the EU. This is a very recent video taken in Albergaria-a-Velha.pic.twitter.com/TRmeIo9jI5
— Volcaholic 🌋 (@volcaholic1) September 16, 2024
Еден од загинатите е 28-годишен вработен во шумарството кој бил зафатен од пожар во шумата. Според извештаите, другата жртва, како и пожарникарот, починала од срцев удар додека се обидувала да го изгаси пожарот пред својот дом.
Estamos no inferno, rodeados de fogo. pic.twitter.com/5zgVPtakQS
— Cristina (@CristinawithaC) September 16, 2024
Според властите, речиси 3.500 пожарникари, војници и припадници на цивилната заштита ги гаснат пожарите. Најлоша е состојбата на северот и во центарот на државата.
Visuals from A25 highway in the direction of Aveiro – Viseu, Portugal.#A25 #Aveiro #Viseu #Portugal #WildFire #ForestFire #Fire#Fogo #FogoSelvagem
— Mr. Shaz (@Wh_So_Serious) September 16, 2024
„Ситуацијата не е надвор од контрола, но е сложена“, рече шефот на АНЕПЦ, Андре Фернандеш. Тој додаде дека гаснењето на пожарот напредува добро со оглед на околностите.
Portugal's Motorways Ground to a Halt
As wildfires continue to burn fiercely in the Aveiro district, Portugal's vital A1, A25, and A29 motorways have been forced to close. In the chaos, drivers have found themselves stranded, their journey interrupted by the encroaching flames… pic.twitter.com/LRKYdo27Ga
— Kernow Weather Team (@KWTWeather) September 16, 2024
Шпанија, Франција, Италија и Грција ќе испратат по два канадери откако Лисабон побара од Европскиот механизам за цивилна заштита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Работиме на документ за завршување на војната, ќе го испратиме во Украина

Русија продолжува да работи на нацрт-меморандум за принципите за евентуален мировен договор за завршување на војната во Украина, соопшти денес руското Министерство за надворешни работи.
Рускиот претседател Владимир Путин, по телефонскиот разговор со неговиот американски колега Доналд Трамп претходно овој месец, изјави дека Москва е подготвена да соработува со Украина на меморандум за иден мировен договор.
Путин рече дека меморандумот ќе ги дефинира принципите на можно решение, временската рамка за потенцијален мировен договор и деталите за евентуален прекин на огнот.
Портпаролката на Министерството за надворешни работи, Марија Захарова, изјави дека работата на рускиот нацрт-документ сè уште е во тек и дека документот ќе ѝ биде предаден на Украина кога ќе биде готов.
„Русија продолжува да развива нацрт-меморандум за иден мировен договор, кој дефинира голем број позиции, како што се принципите на решавање, временската рамка за можен мировен договор и евентуален прекин на огнот за одреден временски период доколку се постигне соодветен договор“, рече таа.
Европа
Холандија ги испорача последните 24 авиони „Ф-16“ на Украина

Министерството за одбрана на Холандија објави дека последните 24 борбени авиони Ф-16 се испорачани во Украина, со што е завршена испораката на овој вид воена помош од страна на Холандија.
Последните холандски авиони Ф-16 наменети за Украина ја напуштија воздухопловната база Волкел на југот на Холандија во понеделник и се упатија кон Белгија, каде што ќе бидат технички подготвени за конечна испорака. На испраќањето на авионите присуствуваше и претставник на холандското Министерство за одбрана, Рубен Брекелманс.
„Ф-16-се од клучно значење за Украина поради секојдневните руски воздушни напади. Тие ни овозможуваат да ја држиме руската агресија подалеку од нас“, рече Брекелманс.
Покрај испораката на авионите, Холандија помага во одржувањето на нивната борбена готовност и учествува во организирањето на обука на пилоти во Европскиот центар за обука за летање (EFTC) во Романија.
Украина ја прими првата пратка холандски авиони Ф-16 во октомври 2024 година, а втората во февруари 2025 година. Претседателот Володимир Зеленски во март објави дека пристигнала уште една пратка од Холандија.
Европа
(Видео) 50 повредени во Ливерпул, двајца во критична состојба, полицијата: Не е тероризам

Речиси 50 лица се повредени, а 27 се однесени во болници, вклучувајќи двајца во критична состојба, од кои едно е дете, откако 53-годишен маж со автомобил удрил во толпа луѓе што ја гледале победничката парада во Ливерпул, беше објавено на прес-конференција во Ливерпул.
Заменик-началникот на полицијата во Ливерпул, Џени Симс, ги потврди претходните извештаи дека на местото на настанот е уапсен 53-годишен бел маж од областа на Ливерпул, за кого полицијата верува дека го возел возилото во кое беа повредени речиси 50 лица. Таа рече дека истрагата е во тек и дека фактите што довеле до овој инцидент се утврдуваат.
„Инцидентот не се третира како терористички напад“, рече Симс, додавајќи дека станува збор за изолиран случај.
Иако на парадата беа преземени бројни безбедносни мерки, сè уште не е утврдено како автомобилот успеал да се пробие на улицата каде што одеа колоните навивачи на Ливерпул.
Car has ploughed into fans after the Liverpool parade. wtf 🤬 pic.twitter.com/wvOHH1oV30
— Mark (@MTheaugod) May 26, 2025
Дејвид Кичен од службата за брза помош објави детали за повредените на кои им е укажана помош, велејќи дека 27 лица, меѓу кои четири деца, се префрлени во блиските болници. Две лица, од кои едно е дете, се во критична состојба, но никој не починал на местото на настанот.
Кичен додаде дека 20 лица побарале помош на местото на настанот, но повредите не биле доволно сериозни за да бараат болничко лекување.
Шефот на противпожарната служба Ник Серл изјави дека добиле повик во 18:07 часот. по локално време за инцидент за време на парадата. Кога пристигнале на местото на трагичниот инцидент, пожарникарите пронашле четири лица заробени под автомобил.
„Три лица и едно дете беа извлечени од под возилото и веднаш беа однесени во болница со брза помош“, објави Серл.