Свет
(Видео) Големи нереди во Папуа Нова Гвинеја, има мртви
Најмалку осум лица загинаа по големите немири во главниот град на Папуа Нова Гвинеја, Порт Морезби, јавува Би-би-си. Продавници и автомобили беа запалени, а супермаркетите ограбени по штрајкот на полицајците, кои се незадоволни од платите и условите за работа.
Недостигот на полиција ги охрабри луѓето од периферијата на градот да ограбуваат продавници и да предизвикуваат немири, сето тоа во атмосфера на социјална апатија во земјата, поттикната од зголемените трошоци за живот и високата невработеност.
Премиерот Џејмс Марапе ѝ се обрати на нацијата во четвртокот извинувајќи се за инцидентот, но рече дека нема да се толерира беззаконието.
„Со кршење на законот не се постигнуваат резултати“, ѝ порача на јавноста.
Ситуацијата се стабилизира вчеравечер кога војската излезе на улица, а дел од полицијата продолжи со работа, но премиерот изјави дека ситуацијата и понатаму е тензична. Болницата во Порт Морзби потврди осум смртни случаи во главниот град, а уште седум лица починаа во Лае, вториот по големина град во Папуа Нова Гвинеја.
„Видовме невидено ниво на конфликт во нашиот град, нешто што никогаш не се случило во историјата на нашиот град и нашата земја“, рече гувернерот на главниот град, Паус Паркоп, во радиообраќање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милановиќ му одговори на Додик: Хрватите од Втората светска војна излегоа на вистинската страна
Хрватскиот претседател Зоран Милановиќ се огласи во врска со тврдењата на Милорад Додик дека хрватскиот народ е колективно виновен за усташките злосторства. „Има многу малку припадници на хрватската нација кои не се солидаризираа со злосторствата на усташкиот режим“, изјави вчера Додик од Доња Градина, каде што се одржа комеморацијата за жртвите во концентрациониот логор Јасеновац.
Додик ја повтори спорната бројка од 700.000 убиени во Јасеновац, посочувајќи дека во Хрватска „сто години ги остреле секири“ за да почнат да убиваат Срби во 1941 година. Тој најави дека во Доња Градина, Србија и Република Српска ќе градат сопствен споменик на жртвите од Јасеновац со цел „да не се ограничи“ начинот на кој во иднина ќе го одбележуваат.
„Претседателот на Република Хрватска, Зоран Милановиќ, изјавите на лидерот на српскиот народ во БиХ, Милорад Додик, во Доња Градина, на комеморацијата на жртвите од усташкиот логор Јасеновац ги смета за неприфатливи и пред се невистинити.
Милорад Додик, покрај повторената невистина за бројот на жртвите во Јасеновац, рече дека „има многу малку припадници на хрватската нација кои не се солидаризирале со злосторствата на усташкиот режим“, што апсолутно не е точно и е навреда за сите хрватски антифашисти и хрватскиот народ.
Ваквите матрици само им штетат на интересите на Хрватите и Србите и во Хрватска и во БиХ. Хрватскиот народ излезе од Втората светска војна на вистинската страна на историјата, на победничката страна. Секое различно толкување на историјата, вклучувајќи го и гореспоменатото на Додик, претставува грубо фалсификување на вистината“, се наведува во одговорот на Милановиќ.
Свет
Подољак: Новата руска влада е создадена за да ги зголеми воените капацитети
Новите министри во руската влада покажуваат дека Москва се обидува да ги зголеми воените капацитети и да ја реконфигурира економијата за да ги задоволи воените потреби, изјави денеска советникот на украинскиот претседател Михаило Подољак.
„Русија конечно почна да се изолира и ќе се обиде да ги зголеми своите воени капацитети и воени способности, а истовремено да ја реконфигурира економијата“, напиша Подољак на својот профил на Телеграм.
Рускиот претседател Владимир Путин го разреши министерот за одбрана Сергеј Шојгу и го замени со економистот Андреј Белоусов.
Портпаролот на Кремљ, Дмитриј Песков, во неделата изјави дека Путин го назначил Белоусов на позицијата министер за одбрана бидејќи тој ресор треба да биде апсолутно отворен за иновации, воведување на сите напредни идеи и создавање услови за економска конкурентност.
Песков објасни и дека Шојгу, како новоименуван секретар на Советот за безбедност, истовремено ќе биде и заменик шеф на државата во комисијата за воено-индустрискиот комплекс и ќе ги надгледува активностите на Федералната служба за воено-техничка соработка.
Според Песков, Шојгу ќе продолжи да работи на полето кое го познава внатре пренесува Танјуг.
Европа
Украинците убиле и раниле 20-тина Руси со дрон камиказа
Околу дваесет руски војници се убиени или ранети во напад со дрон камиказа врз логистички центар и складиште за оружје во окупираниот град Соловјов во Доњецк, објави германскиот новинар Јулијан Ропке.
#NewsMap
Around 20 Russian troops were either killed or wounded in a Ukrainian kamikaze drone attack on a logistics center (local HQ / weapons depot / field hospital) in occupied #Solovyove, Donetsk oblast. pic.twitter.com/4gSwWeHAEF— Julian Röpcke🇺🇦 (@JulianRoepcke) May 13, 2024
На северот на Украина се водат жестоки битки по ненадејниот руски упад кој започна во петокот. Оттогаш, повеќе од 6.000 луѓе се евакуирани од регионот на Харков. Украина веќе некое време ја очекува руската летна офанзива. Едно од сценаријата е можен обид за заземање на Харков, вториот по големина град во Украина.
Според Москва, руските сили досега зазеле девет села во близина на границата. Повеќето од нападите се насочени кон градот Вовчанск, чиј пад значително ќе го олесни натамошното продирање на руските сили во североисточниот дел на Украина.
Украина го разреши командантот одговорен за Харков. Донесена е одлука на таа функција да биде именуван бригадниот генерал Михајло Драпати.