Свет
(Видео) „Господине претседателе?“ – Бајден повторно збунет, јавноста загрижена
Откако претседателот на САД на конференција за глад пред сите ја побара Џеки Валорски, конгресменката од Индијана – која загина во сообраќајна несреќа во август, Џо Бајден повторно изгледаше збунето и изгубено.
Имено, како што изгледа на видеото кое кружи на социјалните мрежи, Бајден бил во канцеларијата на Федералната агенција за управување со вонредни состојби (ФЕМА) каде зборувал за ураганот кој ечеше низ Флорида и продолжи кон копното, но беше јасно дека нешто не е во ред.
Откако претседателот го заврши својот говор, тој нагло се сврте кон десно и тргна кон толпата, целосно несвесен за повикот на функционерот на ФЕМА „Господине претседателе?!“
“Mr. President………?” pic.twitter.com/DOdTltF6g1
— RNC Research (@RNCResearch) September 29, 2022
Ова не е првпат Бајден (79) да се однесува вака, како што забележаа корисниците на Твитер.
„Ова е трагично. Можеме да зборуваме за политика и дали тој е способен за функцијата, но кога гледаме видеа од вакви сцени, ни ги крши срцата. Јас сум конзервативец, но овие сцени ме растажуваат. Се молам за него“, гласи еден од коментарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.