Свет
(Видео) Градоначалникот на Портланд нападнат со солзавец на протест против полициска бурталност

Градоначалникот на Портланд, Тед Вилер, бил нападнат со солзавец од федералните агенти за време на масовните протести во Портланд, Орегон, против расизмот и полициското насилство, што се одржаа синоќа, пренесува „Њујорк пост“.
Вилер се соочи со бран исвиркувања и повици да си даде оставка кога им се обрати на демонстрантите на „Блек лајвс медр“ среде немирите во неговиот град. Тој се проби до скалите на Центарот за правда во округот Мултомах за да им се обрати на илјадниците, од кои некои извикуваа: „Фрлете му солзавец на Теди“ и „Врши си ја својата работа!“, покажува видеото објавено на социјалните мрежи.
Според локалните медиуми, Вилер, кој е на функцијата од 2017 година, околу два часа разговарал со демонстрантите пред да му биде фрлен солзавец. Тој му рекол на еден демонстрант: „Ја имате мојата поддршка. Нема да си заминам. Ако ви фрлат созлавец вам, нека ми фрлат и мене“.
#Portland Mayor Ted Wheeler is at the front line here, getting tear gassed by federal agents. There are folks out here who think this is a publicity stunt — they say the police gassed ppl long before the feds showed up. But others seem amazed. “Shit,” one man said. “He’s here.” pic.twitter.com/3Dcc3M2QFE
— Marissa J. Lang (@Marissa_Jae) July 23, 2020
Вилер побара федералните агенти да го напуштат градот нарекувајќи го нивното присуство противуставна окупација, според локалната телевизија КАТУ-ТВ.
Агентите во маскирна униформа од одделот за внатрешна безбедност и други федерални агенти беа распоредени во Портланд минатата недела за да ги заштитат федералните споменици и зградите по речиси два месеца демонстрации поради полициската бруталност и расизам. Агентите се обвинети за употреба на прекумерна сила за задржување на демонстрантите и за апсење луѓе без доволна причина.
„Тактиките што ги користат федералните офицери се одвратни. Не ги сакавме, не ги побаравме, тие не се обучени за она што се бара. И сакаме да си заминат“, рече Вилер.
Еден демонстрант го охрабри Вилер да остане цела ноќ за да биде сведок на одговорот на федералната полиција. По фрлањето на солзавецот, Вилер бил снимена како кашлаше додека се движи со демонстрантите, при што некои го пцујат.
Mayor Wheeler with eyes closed, coughing, suffering from the tear gas.
"How does it feel, Teddy?" someone shouts. pic.twitter.com/4VPOKcOIII
— Mike Baker (@ByMikeBaker) July 23, 2020
Едно лице свика: „Какво е чувството, Теди?“ и избувна куса расправија помеѓу толпата и неговите безбедносни агенти пред да го напушти местото на настанот.
Вилер, кој исто така е полицски комесар, претходно изјави дега федералните агенти ги зголемуваат тензиите во градот, но во неколку наврати повтори дека нема овластување да ги контролира нивните дејства ниту да ги натера да си заминат од градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нуклеарните инспектори на ОН пристигнаа во Иран за прв пат по израелскиот напад

Нуклеарните инспектори на ОН се вратија во Иран за прв пат откако Иран ја прекина соработката со агенцијата по израелските напади врз нејзините нуклеарни постројки, објавија денес иранските државни медиуми.
Иранскиот министер за надворешни работи, Абас Аракчи, им рече на пратениците дека Техеран сè уште не постигнал договор за тоа како да ја продолжи целосната соработка со нуклеарното надзорно тело на ОН, објави парламентарната новинска агенција ICANA.
Тој рече дека инспекторите ќе ја следат размената на гориво во иранската нуклеарна централа Бушер, според извештајот.
Коментарите на Аракчи дојдоа еден ден откако Иран се сретна со Франција, Велика Британија и Германија за да се обиде да ги оживее разговорите за неговата нуклеарна програма, за која западните сили велат дека е насочена кон развој на бомба, додека Исламската Република вели дека е насочена кон цивилни проекти.
Иранските власти велат дека на земјата ѝ е потребен нов договор за соработка со Меѓународната агенција за атомска енергија (МААЕ) по 12-дневната воздушна војна со Израел во јуни, на која брзо ѝ се придружија и САД. Во јуни, иранскиот парламент донесе закон со кој се суспендира соработката со МААЕ и се бара сите идни инспекции да бараат зелено светло од Врховниот совет за национална безбедност на Техеран.
Советот ја одобри посетата на инспекторите, но „нацрт за нов начин на соработка со МААЕ не е финализиран ниту одобрен“, рече Аракчи, според ICANA. „Полнењето гориво на нуклеарниот реактор Бушер мора да се изврши под надзор на инспектори на меѓународната агенција“, додаде тој.
Шефот на МААЕ, Рафаел Гроси, изјави за Фокс њуз дека „првиот тим инспектори на МААЕ се врати во Иран“, но дека агенцијата сè уште дискутира за тоа како да ги продолжи инспекциите. По нападите во јуни, Иран исто така тврдеше дека објектите повеќе не се безбедни за инспекторите.
фото: принтскрин
Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Свет
Папата апелира за траен прекин на огнот во Газа и ослободување на заложниците

Папата денес упати силен апел до глобалната заедница да го прекине речиси двегодишниот конфликт меѓу Израел и Хамас повикувајќи на траен прекин на огнот, ослободување на заложниците во Газа и обезбедување хуманитарна помош.
„Уште еднаш упатувам силен апел да се прекине конфликтот во светата земја, кој предизвика толку многу терор, уништување и смрт“, рече папата на својата неделна аудиенција во Ватикан.
„Барам ослободување на сите заложници, постигнување траен прекин на огнот, олеснување безбеден влез на хуманитарна помош и целосно почитување на меѓународното хуманитарно право“, рече тој.
Папата не ги именува Израел или палестинската милитантна група Хамас, но рече дека меѓународното право бара „обврска за заштита на цивилите, забрана за колективно казнување, неселективна употреба на сила и присилно раселување на населението“.
Фото: принтскрин