Европа
(Видео) Ден по средбата со Путин, Шојгу ги посети војниците на линијата на фронтот
Рускиот министер за одбрана, Сергеј Шојгу ги посети војниците вклучени во, како што ја нарекува Москва „специјалната воена операција“ на Русија во Украина, објави денеска руското Министерство за одбрана.
Шефот на руската армија со хеликоптер ги обиколи областите каде што се распоредени војници и руски војници во областа на специјалната воена операција“, објави Министерството.
Министерството објави дека Шојгу разговарал со војници на „фронтот“ и на „командна позиција“. Сепак, не е јасно кога била таа посета или дали Шојгу бил во Украина.
На кратко видео објавено со најавата се гледа Шојгу во воен хеликоптер и неколку воздушни снимки.
Sergei Shoigu inspecionou o agrupamento russo de tropas na zona NVO.
Na linha de frente, ele conversou com militares russos e agradeceu ao pessoal pelo desempenho exemplar das missões de combate. pic.twitter.com/kGxsOp8CBp
— Nikolaev 🇲🇦🇷🇺🇦🇲🇸🇾🇸🇦🇷🇸🇮🇷🇵🇸 (@TeodoroSampai12) December 18, 2022
Објавата уследи еден ден по состанокот на рускиот претседател Владимир Путин со највисоките воени команданти, вклучително и Шојгу, каде што тој побара мислење од нив за тоа како треба да продолжи руската воена кампања во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.