Свет
(Видео) Експлозија и пожар на бензинска пумпа во Русија, најмалку 35 мртви, повредени се 13 деца
Најмалку 35 лица загинаа, а десетици се повредени во експлозија и пожар на бензинска пумпа во руската кавкаска република Дагестан, покажуваат новите податоци што денеска ги објавија властите.
Причините за катастрофата се’ уште не се познати, но слични несреќи и пожари не се невообичаени во Русија. Тие често се резултат на непочитување на безбедносните прописи и стари инсталации, пишува „Индекс“.
На видео снимките од Министерството за вонредни состојби се гледаат остатоци од изгорени автомобили и спасувачи со шлемови кои се обидуваат да го изгаснат пламенот и да ги отстранат остатоците.
Локалните власти објавија за 35 загинати и 64 повредени, што е зголемување од утрово кога агенцијата „Интерфакс“, повикувајќи се на регионалните служби за итна медицинска помош, објави дека бројот на загинати се искачи на 25 лица, меѓу кои и три деца.
In Dagestan 🇷🇺, a gas station exploded.
The guy says, “As-salamu alaykum: The gas station is on fire.” pic.twitter.com/fy12mKBKEc
— Jason Jay Smart (@officejjsmart) August 14, 2023
На пожарникарите им требаа повеќе од три и пол часа да го изгаснат пожарот, кој се прошири на површина од 600 квадратни метри, јави ТАСС, повикувајќи се на соопштение на руската служба за вонредни состојби.
Денешниот ден е прогласен за ден на жалост во Дагестан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.