Претставниците на Германија, Франција, Велика Британија, Италија и Полска ја потврдија својата политичка и воена помош за Украина.

Членките на НАТО се собраа преку видео врска во форматот за одбранбена соработка на Групата пет водечки европски одбранбени сили.

„Сите се согласуваат дека (Украина) може да се потпре на континуираната и сеопфатна поддршка на Групата“, се вели во соопштението на германското Министерство по состанокот.

Состанокот беше свикан за кратко време по жестоката расправија меѓу американскиот претседател Доналд Трамп и украинскиот претседател Володимир Зеленски во Белата куќа минатата недела.

Расправијата ги поттикна стравувањата дека Вашингтон би можел да ја повлече својата клучна поддршка за Киев, бидејќи односите меѓу САД и Русија почнаа да се подобруваат.

Следниот состанок на Групата пет одбранбени сили е закажан за 12 март во Париз. Целта на групата е да ја зајакне европската безбедносна и одбранбена подготвеност.

Актуелниот американски претседател Доналд Трамп одлучи да ја запре воената помош за Украина, а според репортерката на „Њујорк Тајмс“ од Белата куќа, Меги Хаберман, Трамп тестира „колку далеку може да оди“ во повлекувањето на американската поддршка за Украина додека таа се бори против руската инвазија.

Хаберман рече дека Трамп ја донел одлуката по расправијата со украинскиот претседател Володимир Зеленски во Овалната соба во петокот, што уследи по неколкунеделната тензија меѓу Вашингтон и Киев.

Според неа, имало „речиси едногласно незадоволство“ од Украинците во Белата куќа, а особено имало „голема тензија“ меѓу потпретседателот Џеј-Ди Венс и Зеленски.

„Венс веќе некое време се сомневаше во потребата од американска помош за Украина и често го критикуваше Зеленски. Зеленски не остана должен и возврати со критики“, рече Хаберман.

Таа додаде дека Трамп не ја гледа Украина како европски сојузник, туку првенствено преку економски интерес. Како пример, таа го наведе неуспешниот договор за експлоатација на украинските минерални суровини, што многумина го протолкуваа како обид на Белата куќа на Украина да и ја „врати“ американската помош без да ги обезбеди безбедносните гаранции за Киев што ги бара Зеленски.

„Трамп речиси ништо не бара од рускиот лидер Владимир Путин, додека тој бара многу од Зеленски“, рече Хаберман.

„Украинците тврдат дека од самиот почеток им бил понуден договор што бил нереален за нив, во кој практично не добиле ништо“, рече таа. „И мислам дека ќе видиме како Трамп се обидува да услови други договори на сличен начин.

Хаберман рече дека американската поддршка за продолжување на помошта за Украина е намалена откако Русија ја започна инвазијата пред три години, но таа истакнува дека поддршката за Москва и Путин во Соединетите држави исто така не е голема. „Трамп сега ги тестира границите до каде може да оди во ова“, заклучи таа.

Обилно невреме вчера ја погоди југоисточна Шпанија, четири месеци откако во поплавите загинаа 224 лица, поради што се откажаа наставата во Валенсија за денеска, а жителите се повикани да бидат на готовност.

Метеоролошката служба АЕМЕТ ја подигна тревогата на највисоко „црвено“ ниво, а градските власти во Валенсија ги откажаа часовите и активностите на отворено.

No es Gaza, no es Ucrania, es Valencia 4 meses después, nadie hará una cumbre por esto, ni tan siquiera en la sede de nuestro gobierno. pic.twitter.com/SMqThyKnrA

— 🅰🆁🆂🅴🅽🅸🅲🅾 🈷️🈴️🈷️ (@Arsenico_bis) March 3, 2025

„Се очекува една недела пороен дожд, затоа ве повикувам да ги следите најавите и препораките на службите за вонредни состојби“, изјави претседателот на провинцијата Карлос Мазон на жителите преку социјалните мрежи.

Во провинцијата Валенсија, 224 луѓе загинаа на крајот на октомври во поплава предизвикана од силен дожд.

This is Buñol, Valencia in Spain, today, where 100mm of rain has already fallen in the last few hours.pic.twitter.com/LSQ2vz7D7Z

— Volcaholic 🌋 (@volcaholic1) March 3, 2025

Во Паипорта, место кое беше особено тешко погодено, парковите и гробиштата вчера беа затворени, а училиштата ќе бидат затворени од денеска. Се повикуваат жителите да не ги напуштаат домовите доколку не е потребно.