Свет
(Видео) Заврши заложничката криза во рускиот затвор: има убиени и повредени лица, напаѓачите неутрализирани

Четири лица загинаа во напад на затвореник-терорист во затворот во градот Суровикин во регионот на Волгоград, соопшти Федералната служба за извршување на затворски санкции.
Во нападот се повредени четири лица. Напаѓачите првично имаа 8 заложници, а последниот заложник, затворски полицаец, го ослободи Росгвардија. Со тешки повреди е пренесен во болница.
⚡️𝗨𝗣𝗗𝗔𝗧𝗘: 𝗥𝗨𝗦𝗦𝗜𝗔𝗡 𝗙𝗢𝗥𝗖𝗘𝗦 𝗖𝗟𝗘𝗔𝗥 𝗨𝗽 𝗣𝗥𝗜𝗦𝗢𝗡 𝗥𝗜𝗢𝗧, 𝗛𝗢𝗦𝗧𝗔𝗚𝗘𝗦 𝗥𝗘𝗦𝗖𝗨𝗘𝗗#Russian Spetsnaz units have successfully resolved the prison riot in Surovikino, Volgograd region.
All hostages were safely rescued, and four prisoners who had… pic.twitter.com/3vKZVXKZyz
— Shah Faisal AfRidi (@Sfaisalafridi) August 23, 2024
Росгвардија соопшти дека ги неутрализирала сите четворица напаѓачи, пренесува N1.
Руските медиуми јавуваат дека затворскиот полицаец кој бил држен како заложник и кој може да се види на сите видеа објавени од групата терористи киднапери, е префрлен во болница во тешка состојба.
Во написите се потсетува дека во затворот во градот Суровикин во Волгоградската област некои од затворениците ги нападнаа затворските чувари и затворската управа и земаа заложници, соопшти претходно денеска Руската Федерална агенција за извршување на затворски санкции.
Како што се наведува, затворениците на седницата на дисциплинската комисија со ножеви ги нападнале вработените во затворот и ги земале како заложници.
Некои канали наведуваат дека се работи за затвореници кои се членови на терористичката организација Исламска држава.
Киднаперите наводно барале хеликоптер со пилот, 1,7 милиони евра и воздушен коридор на југоисток, со ветување дека доколку добијат се што бараат, ќе ги ослободат заложниците. Тие се заканувале дека ќе ги убијат сите заложници ако не добијат сè што сакаат, пишува „Daily Mail“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) „Ова не е Октоберфест“ – Германски политичар критикуван од тоа што направи на погребот на папата

Откако објави селфи на социјалните мрежи на кое се гледа како се смее пред погребот на папата Франциск во Ватикан, баварскиот премиер Маркус Зодер се соочи со критики.
„Тукушто слетав во Рим: сега сме во конвој со германскиот претседател Франк-Валтер Штајнмаер на пат кон Ватикан за погребот на папата Франциск“, објави Маркус Зодер на „X“ заедно со фотографија на која се смее.
Ова предизвика бројни реакции и критики.
„Несоодветно е да се прават селфиња на погреб. Ова не е Октоберфест. Треба да бидеме среќни што Зедер нема ќебап во рака“, напиша германската политичарка Мари-Агнес Штрак-Цимерман (ФДП).
Gerade in Rom gelandet: Nun geht es im Konvoi mit Bundespräsident Frank-Walter Steinmeier in den Vatikan zu den Trauerfeierlichkeiten für den verstorbenen Papst #Franziskus. pic.twitter.com/FgbiwUVSNW
— Markus Söder (@Markus_Soeder) April 26, 2025
Фотографијата на Зодер беше критикувана и од многу корисници на социјалните мрежи.
Покрај тоа, Зодер објави серија фотографии пред и по погребот на папата, што доведе до тоа многумина да го обвинат дека се однесува како да дошол на забава, а не на погреб.
View this post on Instagram
„Многу трогателни моменти во Рим непосредно пред почетокот на погребот. Папата Франциск многу ќе ни недостига. Трогателно е да се види колку луѓе се собираат тука на плоштадот ‘Свети Петар’ во Ватикан и низ целиот свет пред телевизорите за да му оддадат последна почит“, напиша тој во еден од своите објави денес.
Свет
Каде е Кралот Чарлс? Отсуството од погребот на папата Франциск ја откри вековната тајна на британската круна

Додека државни лидери, кралски височества и високи црковни великодостојници денеска му оддаваа последна почит на папата Франциск во Ватикан, отсуството на британскиот крал Чарлс привлече особено внимание и отвори бројни прашања: зошто монархот не присуствуваше на церемонијата?
Иако кралот Чарлс важи за еден од највлијателните светски лидери, неговото отсуство не е случајно – тоа е диктирано од вековна традиција и строги црковни протоколи што датираат уште од времето на кралот Хенри VIII. Како врховен поглавар на Англиканската црква, британскиот монарх не може да учествува на настани организирани од Римокатоличката црква во својство на крал.
Историските корени на овој став водат до 1534 година, кога кралот Хенри VIII ја основа Англиканската црква поради одбивањето на папата Климент VII да му дозволи развод. Оттогаш, секој британски владетел го носи статусот Врховен гувернер на Англиканската црква, а надбискупот на Кентербери е нејзин главен духовен водач.
Иако кралот Чарлс во минатото лично се сретнал со папата Франциск, неговото отсуство од денешната церемонија е во согласност со долгорочната политика на британската круна. Истата практика ја следеше и кралицата Елизабета II, која никогаш не присуствуваше на погреб на папа.
Во 2005 година, за време на погребот на папата Јован Павле II, тогашниот принц Чарлс присуствуваше како личен претставник на кралицата, непосредно пред сопствената венчавка со Камила. Овојпат, пак, кралското семејство одлучи да го почитува традиционалниот протокол, па на церемонијата во Ватикан присуствуваше принцот Вилијам.
Вреди да се напомене дека кралот Чарлс беше последниот светски лидер кој се сретна со папата Франциск, само две недели пред неговата смрт, за време на државната посета на Италија. Со својата одлука да не присуствува, кралот уште еднаш ја истакна автономијата на Англиканската црква и важноста на почитувањето на историските традиции.
Свет
Убиени 10 лица, половина од нив деца во израелскиот напад на Газа

Најмалку 10 лица, меѓу кои три жени и пет деца, загинаа утрово во израелски воздушен напад врз трикатна зграда во западниот дел на градот Газа. Болницата Шифа, која ги прими телата, потврди дека половина од жртвите се деца.
Израелската армија соопшти дека целта на нападот било скривалиште на милитанти на Хамас, но бројот на цивилни жртви предизвика нов бран загриженост за состојбата на теренот.
Во меѓувреме, Хамас информираше дека испратил делегација во Каиро во обид да се обнови прекин на огнот, откако примирјето беше нарушено минатиот месец поради нов бран на израелско бомбардирање.
Од Израел пак, најавија дека воените операции ќе продолжат сè додека не бидат ослободени сите заложници и додека Хамас не биде целосно уништен или разоружан.