Свет
(Видео) Засилени безбедносни мерки во светските престолнини за новогодишната ноќ
Во светот крајот на годината изминува во знакот на безбедноста и засилени полициски мерки во престолнините во пресрет на пречекот на Новата година.
Висок ризик од теротистички напади и најавени протести на „жолтите елеци“ е причина Франција во новогодишната ноќ низ земјата да распореди над 147 илјади полицајци. Силно обезбедување ќе биде распоредено особено околу Шанзелизе, каде традиционално се организира спектакуларен огномет.
На њујоркшкиот Тајм сквер, вечерва се очекува до два милиони луѓе. Таму веќе се испробани ефектите на гигантската топка, која ќе биде пуштена точно на полноќ. Самиот дизајн, наречен „подарок на хармонијата“, испраќа порака за мир во новогодишната ноќ. Присутните ќе ги забавуваат Снуп Дог, Стинг, Кристина Агилера, „New Kids on the Block” и други.
Безбедноста во Велика Британија ќе биде исто така подигната на високо ниво. Како што е најавено, за првпат на новогодишниот собир ќе надлетуваат дронови.
Невообичаен почеток на прославата за Нова година е подготвен во студениот руски регион Казањ. Нуркачи на локалниот клуб однеле украсена елка на дното на езерото, на шест метри длабочина.
Денеска, поради различни временски зони, први во Новата година влегуваат жителите на Самоа и Карибати во Тихиот океан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.