Свет
(Видео) Израелскиот министер за туризам во рекламен спот се соблече и ги покажа обликуваните стомачни

Последната реклама на Министерството за туризам на Израел, во која министерот го имитира Џејмс Бонд, беше цел на критики, пред сè, на феминистките, на социјалните мрежи, кои оценија дека е шовинистичка и покажува двојни стандарди.
Едноминутниот видеоклип го прикажува министерот за туризам Јозел Развозов како го имитира Џејмс Бонд додека ги обиколува познатите градови и локации во Израел. Во една сцена на море тој дури се соблече до половината. Рекламата, сепак, наиде на критики од феминистките.
Тој се обиде да покаже сличност со Даниел Крег, кој го глумеше Џејмс Бонд во филмовите за најпознатиот светски агент, па дури и се снимаше без кошула во морето. Рекламата, сепак, предизвика критики од феминистките, пишува „Араб њуз“.
„Рекламата на израелското Министерство за туризам е бурна. Министерот за туризам го прикажува Бонд, а изборот на музика е одличен. Ок, машкост, ок, двојни аршини, бидејќи жена министер никогаш не би можела да го направи тоа“, изјавил еден од корисниците на социјалните мрежи.
Ноа Балф, вонреден професор на Универзитетот во Казнас и член на Феминистичкиот институт во Хаифа, оцени дека рекламата покажува двојни стандарди и дека некоја министерка никогаш не би можела да го направи тоа. Други корисници на социјалните мрежи потсетуваат дека во тек е изборна кампања и дека видеото има пропагандна цел.
This Israeli Ministry of Tourism ad is wild. It features the Minister of Tourism as James Bond-esque and the music choice is just wow. Ok masculinity, ok double standard because a woman minister could NEVER. https://t.co/ZvlX8Dj7RP
— Dr. Noa Balf נועה באלף نوعة بالف (@NoaBalf) October 16, 2022
Имитирајќи ја познатата фраза на Бонд за време на презентацијата, министерот Развозов вели: „Името е Израел. Земјата е Израел“.
„Сакав лично да помогнам во промоцијата на Израел со тоа што на светот ќе му покажам што е убаво и добро во нашата земја“, рече министерот објаснувајќи ја својата постапка.
Не се знае дали рекламата е финансирана од државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелците масовно купуваат храна и вода: се подготвуваат за иранска одмазда

Репортерот на Би-Би-Си од Ерусалим известува дека Израелците масовно почнале да купуваат храна и вода, а полиците во супермаркетите брзо се празнат пред очекуваниот ирански одговор.
Населението во поголемиот дел од земјата се разбудило околу 3 часот наутро кога се огласиле сирени и бил испратен телефонски аларм со предупредување за „значајна закана“, а граѓаните добиле инструкции да останат блиску до засолништата.
Службите за итни случаи низ Израел складираат крв, додека некои болници почнале да ги отпуштаат пациентите доволно стабилни на домашна нега за да се ослободат капацитети.
На окупираниот Западен Брег, во сите палестински градови е прогласен карантин до понатамошно известување. Сите мерки се спроведуваат во очекување на одмазда, а израелската армија предупредува дека повеќе од 100 ирански беспилотни летала веќе се на пат кон Израел.
Светските медиуми потсетуваат дека синоќа Израел изврши обемен воздушен напад врз неколку цели во Иран. Според израелски воени извори, погодени се објекти поврзани со иранската нуклеарна програма и воени локации, вклучувајќи го и клучниот комплекс за збогатување ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивоата на зрачење.
Израелскиот премиер Бенјамин Нетанјаху рече дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел.
Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.
Свет
Аракчи: САД се одговорни за израелските напади

Иранскиот министер за надворешни работи, Абас Аракчи, ги осуди израелските воздушни напади во текот на ноќта како јасно кршење на меѓународното право и ги обвини Соединетите Американски Држави како најблизок сојузник на Израел.
„Соединетите Американски Држави, како главен поддржувач на овој режим, ќе бидат одговорни за опасните последици од оваа безгрижна авантура“, рече Аракчи, според порталот „Иран Интернешнл“.
Тој додаде дека Израел не можел да го започне нападот без координација или одобрение од САД.
Аракчи истакна дека Иран има законско право да возврати според член 51 од Повелбата на ОН.
Во текот на ноќта, Израел започна „превентивен напад“ врз Иран, насочен кон нуклеарната програма на земјата и високите воени лидери.
Израелската армија објави дека биле употребени 200 борбени авиони.
Како одмазда, Иран лансираше над 100 беспилотни летала кон израелска територија, соопшти израелската армија.
Свет
Израел соборува ирански дронови над Саудиска Арабија

Израелската војска почна да пресретнува ирански беспилотни летала над Саудиска Арабија, објави израелската телевизија Канал 12.
„Тајмс оф Израел“ исто така објави дека израелските сили почнале да соборуваат беспилотни летала надвор од израелска територија, повикувајќи се на воени извори.
Претходно беше потврдено дека Иран лансирал повеќе од 100 беспилотни летала кон Израел како одговор на израелските воздушни напади во текот на ноќта.
На беспилотните летала им требаат неколку часа за да стигнат до израелска територија од Иран, а пресретнувањата започнаа веднаш штом влегоа во воздушниот простор над регионот.