Свет
(Видео) Илјадници луѓе без струја по бурата во Калифорнија
Силната пацифичка бура предизвика втор ден по ред силни ветрови, обилни врнежи од дожд и снег, предизвикувајќи поплави и лизгање на земјиште низ Калифорнија. Десетици илјади домови останаа без струја, а беа пријавени и првите смртни случаи.
Екстремните временски услови доведоа до најсилното невреме кое ја погоди Калифорнија од почетокот на минатата недела, а во наредните денови се очекуваат уште најмалку две бури.
Областа на Сан Франциско, главниот град на државата Сакраменто и околината сè уште се опоравуваат од штетите.
🇺🇸 #Capitola, #California: Capitola Beach and Pier are under siege with tide and surf still rising. 👀 pic.twitter.com/7GzBmJV7oI
— The informant (@theinformantofc) January 5, 2023
Обилни врнежи од дожд и снег се очекуваат во планините и крајбрежните масиви во јужна Калифорнија, соопшти Националната метеоролошка служба, предупредувајќи на поројни поплави, лизгање на кал и силни ветрови.
Here's a quick time-lapse from the Pacifica, #California livecam moments ago, as these monster waves from the #AtmosphericRiver breached the seawall. #cawx #flood @NWSBayArea pic.twitter.com/fU3hiOO7AV
— BirdingPeepWx (@BirdingPeepWx) January 5, 2023
Калифорниските власти соопштија дека најмалку две лица загинале поради временските неприлики. Едногодишно момче загинало од дрво кое во текот на ноќта паднало врз куќа, а 19-годишна девојка загинала кога автомобилот и се излизгал од делумно поплавен пат.
Дури 180.000 домови останаа без струја во четвртокот.
Новата серија бури во Калифорнија е резултат на високите температури на воздухот и морето предизвикани од климатските промени, создавајќи атмосферски речни бури кои стануваат се почести и поинтензивни.
Гувернерот Гевин Њусом прогласи вонредна состојба а државните власти ги повикаа жителите на Калифорнија да избегнуваат патувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
ЕУ: Веќе нема ризик од кршење на владеењето на правото во Полска
Европската комисија денеска објави дека планира да ја затвори постапката против Полска до крајот на мај, бидејќи веќе не постои ризик од сериозно кршење на владеењето на правото.
Потпретседателката на Комисијата за вредности и транспарентност, Вера Јоурова, изјави дека полските власти покажале решителност да ги исправат неправилностите во областа на правдата, дека признале дека има проблем во таа област, дека се подготвени да го елиминираат, дека европското законодавство има приоритет пред националното законодавство и дека се обврзале дека ќе ги спроведуваат одлуките на Судот на правдата на Европската унија и Европскиот суд за човекови права поврзани со владеењето на правото, вклучително и независноста на судството.
„Мислам дека во случајот со Полска веќе нема очигледен ризик од сериозно кршење на владеењето на правото“, рече Јоурова и најави дека по дискусијата на состанокот на министрите за европски прашања во вторник овој месец, ќе предложи до Комисијата да ја затвори постапката.
Таа додаде дека приговор на ваквата оценка има само унгарскиот министер за правда Јанош Бока, кој обвинува дека Комисијата во овој случај се води од политички причини, а не од реални промени во полското правосудство.
Во текот на осумте години на власт, претходната полска влада предводена од националистичката партија Право и Правда спроведе низа реформи во судството, со што се доведе во прашање поделбата на власта и независноста на судството, како и слободата на медиумите. Поради ова, Полска беше блокирана од милијарди евра кои и беа наменети во европскиот буџет.
Новата полска влада предводена од премиерот Доналд Туск, која ја презеде функцијата во декември минатата година, најави дека ќе обезбеди повторно воспоставување на независноста на судството и ќе го поништи она што претходната влада го направи во таа област.
Слична постапка се води и против Унгарија, чија влада со години е во конфликт со европските институции и другите членки на ЕУ за почитување на владеењето на правото во таа земја.
Свет
Поддршката за Бајден на најниско ниво во последните две години
Поддршката за американскиот претседател Џо Бајден падна на најниско ниво во речиси две години овој месец, што одговара на најнискиот процент од неговиот мандат, покажа денеска објавената анкета на Ројтерс и Ипсос.
Истражувањето покажа дека само 36 отсто од Американците го одобруваат настапот на Бајден, што е намалување од 38 отсто во април.
Ова е враќање на најниското ниво на поддршка за демократски претседател во јули 2022 година, половина година пред Бајден да се соочи со републиканскиот кандидат Доналд Трамп на изборите на 5 ноември.
Поранешниот претседател Трамп има мала предност пред актуелниот претседател во клучните држави за кои се верува дека ќе го одредат победникот.
Друга анкета на Ројтерс и Ипсос, исто така, покажа дека многу демократи не се согласуваат со одговорот на Бајден на израелската офанзива на Појасот Газа, што дополнително ги загрозува неговите изгледи на ноемвриските избори.
Европа
Илјадници бегаат од руската офанзива во регионот Харков
Во борбите за вториот по големина град во Украина досега се раселени околу 14.000 луѓе, покажуваат податоците на Светската здравствена организација (СЗО), пренесува Би-би-си.
Руските сили неодамна започнаа летна офанзива, заземајќи неколку села на североисточната граница на Украина во близина на градот Харков додека се обидуваат да ја пробијат ослабената линија на фронтот на Украина.
Регионалниот лидер на Харков изјави дека седум лица се повредени во ноќните напади на руски беспилотни летала врз градот. Во меѓувреме, најмалку едно лице загина во напад на украинско беспилотно летало над границата со Белгород, јавуваат руските медиуми.
Говорејќи на брифинг со новинарите, Јарно Хабихт од СЗО рече дека 14.000 луѓе избегале од борбите во областа, но 189.000 луѓе кои останале во близина на границата со Русија се соочиле со „значителни ризици поради борбите“.
Украина сè уште контролира околу 60 отсто од Вовчанск, пограничниот град во центарот на неодамнешните борби, изјави заменик-гувернерот Роман Семенука за националната телевизија во понеделникот.
Друг украински воен функционер изјави за АФП дека борбите во Харков „остануваат тешки и динамично се менуваат“.