Свет
(Видео) Индијците запалија огромно хартиено чудовиште – „Короназур“
Огромна хартиена кукла што го претставува смртоносен вирус ковид-19 беше запалена од Индијците во подготовките за верската прослава на пролетта додека здравствените власти во земјата ги зголемуваат мерките за да ја контролираат болеста, пренесува РТ.
Жителите на Мумбаи се собраа во понеделникот да го запалат „Короназур“, огромната фигура на чудовиште кое го симболизира вирусот што ги зафати Азија, Европа и Северна Америка. На театричната поворка пред фестивалот Холи, огромен пламен меч беше забоден во ѕверот, брзо горејќи го од глава до петици со бурна поддршка од публиката.
#WATCH Mumbai: An effigy based on the theme of #CoronaVirus that was put up in Worli was burned as a part of Holika Dahan, a ritual that takes on the eve of #Holi festival. (09.03.2020) pic.twitter.com/1qUKvl1erd
— ANI (@ANI) March 9, 2020
Церемонијалното убивање на вирусот доаѓа во период кога бројот на заболени во Индија се зголеми на 45, при што неколку држави ги пријавија своите први случаи последнава недела, поради што официјалните лица ги зајакнаа мерките во целата земја.
Централната влада ги суспендираше електронските визи за патниците кои доаѓаат од новите жаришта на коронавирусот – Италија, Иран, Јужна Кореја и Јапонија – и воведе задолжителни здравствени прегледи на 21 аеродром.
На Централните вооружени полициски сили (ЦАПФ) исто така им беше наредено да започнат со подготовка на капацитети за оние за кои може да им биде потребен карантин, а се очекува во нив да има 5.400 легла. Дополнителни 75 оддели за изолација ќе отворат и другите федерални агенции, пренесува „Индија тудеј“.
Регионалните здравствени власти го засилија скринингот за оваа болест, а илјадници патници во државата Утар Прадеш, каде што се откриени голем број заразени, се под надзор за какви било симптоми. За вирусот биле тестирани повеќе од 3.000 Индијци, но огромното мнозинство имало негативни резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мексико: Сопругата на убиениот градоначалник ја презема неговата функција
Сопругата на градоначалникот кој беше брутално убиен за време на прославите на Денот на мртвите во мексиканската држава Мичоакан, која е погодена од насилство, ја презеде функцијата на својот сопруг, ветувајќи дека ќе продолжи со неговата борба против организираниот криминал, објави Ројтерс, цитиран од БТА.
Гресија Кирос положи заклетва како градоначалник на Уруапан, познат како престолнина на авокадото во Мексико, откако државниот конгрес едногласно го одобри потегот.
„Денес доаѓам со скршено срце затоа што ми го одзедоа партнерот во животот, таткото на моите деца, но и со храброста со која тој се спротивстави да се бори“, рече Кирос за време на положувањето заклетва.
„Тие нема да ме замолчат… Ќе ги следам неговите стапки“, додаде таа, држејќи ја шапката на нејзиниот покоен сопруг како симбол на нивното движење.
Вооружен човек со качулка го застрела и уби 40-годишниот Мансо додека присуствуваше на фестивал со свеќи, во напад што предизвика национален бес, делумно поради неговите отворени критики кон федералната влада дека не презема доволно мерки за борба против организираниот криминал.
Свет
Русија тврди дека украински војници се предале во Покровск
Рускиотo Министерство за одбрана соопшти дека украински војници од 68. ловечка бригада се предале во Покровск, откако биле опколени и, како што тврди Москва, напуштени од своите команданти, пренесе „ТАСС“.
Во соопштението се наведува дека припадниците доброволно се предале поради интензивен артилериски оган. Русија објави и сведоштва на заробени војници, кои велат дека биле без храна и лекови, а еден од нив изјавил дека се предал од очај.
Свет
Национален штрајк на фармацевтите во Италија
Во Италија денес се одржува национален штрајк на фармацевтите од приватните аптеки – прв ваков протест во секторот. Учествуваат околу 60.000 фармацевти од повеќе од 18.000 аптеки, во организација на синдикатите CIGL и други здруженија.
Штрајкот е реакција на неуспешните преговори за нов колективен договор, истечен во август 2024 година. Синдикатите ја обвинуваат Федерфарма дека не ги признава растечките трошоци за живот и професионалниот напредок на фармацевтите.
Отворени ќе бидат само општинските и дежурните аптеки.

