Свет
(Видео) Индонезиски исцелител 15 години чувал девојче во пештера, го чека казна затвор до 15 години
83-годишен исцелител од Индонезија е осомничен дека пред 15 години киднапирал тогаш 13-годишно девојче уверувајќи го дека е опседнато од духови, пренесува Би-би-си.
Оттогаш, тој ја сместил во пештера во која поминала 15 години, ја силувал, но ѝ покажувал и фотографии од духот, од кој тој тврдел дека девојчето било „опседнато“.
Во текот на ноќта тој често ја носел во својот дом, но во текот на денот таа морала да седи во пештерата.
„На жртвата ѝ беше буквално ‘испран мозокот’ затоа што таа се плашеше да избега, па дури и со други луѓе, бидејќи таа го гледаше нејзиниот дух”, вели еден од жителите.
Локалните медиуми пишуваат дека тој бил познат како исцелител кој изведувал црна магија.
Според полицијата, девојката била однесена кај исцелителот од страна на нејзиното семејство со цел да ѝ помогне, но по неколку месеци исчезнала.
Откако девојката исчезнала, нејзиното семејство ја барало, но тој велел дека девојката заминала во Џакарта за да најде работа таму.
Семејството безуспешно ја барало неколку години. На крајот, тие го пријавиле нејзиното исчезнување во полиција.
Во неделата полицијата по дојава дошла во селото, и ја пронашла девојката во мала пештера.
Фотографиите објавени од страна на полицијата покажуваат дека во пештерата, која била во близина на неговиот дом, имало кревет и основни средства за живот.
Исцелителот е обвинет за серија кривични дела, и според законите за сексуална злоупотреба и злоупотреба на деца, ако биде осуден, го чека до 15 години затвор, објави Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
28 милиони долари за кампањата на Бајден собраа холивудските ѕвезди
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.