Јеменските Хути ги повикаа сите меѓународни авиокомпании да ги „земат предвид“ нивните планови за напад врз израелските аеродроми.

Имено, синоќа тие објавија дека работат на воведување „сеопфатна воздушна блокада“ на Израел со постојано таргетирање на израелските аеродроми.

بيان القوات المسلحة اليمنية بشأن إعلان فرض الحصار الجوي الشامل على الاحتلال الإسرائيلي رداً على تصعيده الأخير بقرار توسيع العمليات العدوانية على #غزة.#الميادين#اليمن pic.twitter.com/N00GMm01bF

— قناة الميادين (@AlMayadeenNews) May 4, 2025

За потсетување, три лица беа полесно повредени вчера наутро, откако проектил испукан од групата падна во близина на Терминал 3 на аеродромот Бен Гурион.

Израелски воени извори за „Ерусалим пост“ изјавија дека ракетата не била пресретната поради техничка грешка во одбранбениот систем.

Портпаролот на војската на Хутите, бригаден генерал Џахџа Сари, објави на Телеграм дека нападот е извршен како одговор на одлуката на Израел да ги прошири воените операции против Хамас во Појасот Газа. Одлуката ја донесе израелскиот кабинет за безбедност во петокот вечерта, а неколку резервни бригади на израелската армија ќе бидат мобилизирани како дел од проширувањето на операцијата.

Американскиот претседател Доналд Трамп објави на својата социјална мрежа Truth Social дека планира да воведе царина од 100 проценти на сите филмови произведени надвор од САД и увезени на американскиот пазар.

„Филмската индустрија во Америка многу брзо умира. Други земји нудат секакви стимулации за да ги привлечат нашите филмски работници и студија надвор од Соединетите Американски Држави. Холивуд и многу други делови од САД се уништени. Ова е организиран напад од други земји и затоа претставува закана за националната безбедност. Покрај сè друго, станува збор и за пораки и пропаганда!“

Затоа ги овластувам Министерството за трговија и Канцеларијата на трговскиот претставник на САД веднаш да го започнат процесот на воведување 100-процентни царини на сите филмови продуцирани во странство што влегуваат во нашата земја.

Сакаме филмовите повторно да се снимаат во Америка!“ напиша Трамп.

Српскиот претседател Александар Вучиќ се обрати за прв пат откако ја прекина посетата на САД поради болки во градите, по што се врати во Србија.

View this post on Instagram

A post shared by Aleksandar Vučić (@buducnostsrbijeav)

Вучиќ се огласи на Инстаграм. „Почнувајќи од оваа недела, ќе чекориме самоуверено, со вера во нашите срца и души, бидејќи никој не може да ја запре Србија која создава, гради и сонува. Поминавме низ тешкотии, наидовме на пречки, но тие не нè скршија. Не можеа, бидејќи соништата на народот кој верува во работата, чесноста и љубовта кон својата земја не можат да бидат уништени.“

„Гордоста, достоинството и вербата во подобро утре отсекогаш нè воделе! Значи, продолжуваме заедно кон целта, јас одам пред вас за да бидам штит, да се борам и да дадам сè што можам за земјата што ја сакам.

Сите мора да продолжиме напред за Србија – заедно, силно, непоколебливо. Да живее Србија“, рече Вучиќ.