Свет
(Видео) Искршени постојки и излози, запалени автомобили, солзавец – прведени 300 демонстранти на протестите во Франција
Повеќе од 290 лица се уапсени, а повеќе од 100 полицајци се повредени во судирите меѓу полицајците и демонстрантите во Франција, соопштија официјални лица.
За време на првомајските протести во Франција, според податоците на синдикатот се собрале 2,3 милиони лица, а полицијата навела бројка од околу 780.000 луѓе, пренесе БФМ ТВ.
Француската полиција се судри со демонстрантите кои употребија солзавец додека демонстрантите фрлаа молотови коктели, огномети, запалија велосипеди и кршеа автобуски постојки.
Во Лион и Нант се запалени некои возила, а уништени се деловни простории.
„Однесувањето на огромното мнозинство демонстранти кои денеска протестираа на улиците на француските градови, главно во Париз, Лион и Нант, беше мирно и неслучајно, француската полиција се соочи со помала група екстремни насилници кои излегуваат на улици само со цел да се судрат и да повредат припадници на полицијата и крадат“, објави денеска на својот Твитер профил францускиот министер за внатрешни работи Жерал Дарманен.
Според него, париски полицаец е тешко повреден во напад со молотов коктел. Обвинителот во Нант соопшти дека 28-годишен учесник во демонстрациите е тешко повреден и оти засега не се познати околностите на несреќата.
Француските синдикати соопштија дека првомајските протести биле „историски и празнични“ со околу 2,3 милиони луѓе кои учествувале низ целата земја, но Министерството за внатрешни работи соопшти дека околу 782.000 луѓе се собрале во француските градови на првомајските протести.
Околу 18:00 часот на плоштадот во Париз продолжија судирите меѓу демонстрантите и полицијата, која употреби водени топови, а потоа интервенираше специјална моторизирана бригада за сузбивање на насилните немири.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лавров: Следната средба меѓу Путин и Шји во јули
Рускиот претседател Владимир Путин и неговиот кинески колега Шји Џјинпинг планираат да се сретнат за време на самитот на Шангајската организација за соработка (ШСО) во јули, кој е дел од претстојниот дипломатски календар меѓу двете земји, изјави рускиот министер за надворешни работи Сергеј Лавров.
Ова го изјави на денешната средба со кинескиот министер за надворешни работи Ванг Џи.
„Ве чекаме, драг министер, драг пријателе, на состанокот на министрите за надворешни работи на БРИКС, во Нижни Новгород за помалку од еден месец. Нашите лидери ќе се сретнат и за време на самитот на SCO во јули во Астана. Подготвуваме настани за одбележување на 75-годишнината од воспоставувањето на нашите дипломатски односи“, му рекол Лавров на Ванг.
На средбата тој изразил благодарност до Пекинг за неговата „урамнотежена позиција“ за решавање на конфликтот во Украина, соопшти денеска руската МСП, пренесува РИА Новости.
Шефот на руската дипломатија го поздрави предлогот на кинескиот претседател Џјинпинг за организирање мировна конференција со рамноправно учество на Москва и Киев, што ги зема предвид интересите на Русија, додаваат од министерството.
Регион
Дачиќ му упати сочувство на Иран за смртта на претседателот Раиси: Бев шокиран од веста
Вицепремиерот на Србија и министер за внатрешни работи, Ивица Дачиќ, упати сочувство до раководството и народот на Иран за смртта на претседателот Ебрахим Раиси и министерот за надворешни работи, Хосеин Амир Абдолахи,ан.
„Бев шокиран од веста за трагичната смрт на претседателот Ебрахим Раиси, министерот за надворешни работи, Хосеин Амир Абдолахи,ан, како и членовите на неговата висока делегација. Иранскиот народ загуби посветен лидер, лојален на својата земја и на високата функција. Србија изгуби докажан пријател и важен партнер со кој искрено работевме во корист на традиционалната блискост на нашите народи“, рече Дачиќ.
Тој додаде дека иранскиот министер за надворешни работи, Хосеин Амир Абдолахијан, е посветен на постојано подобрување на врските со Србија и дека заминувањето на претседателот Раиси и членовите на неговата висока делегација е огромна загуба за Иран, неговиот народ и државното раководство, се вели во соопштението.
Свет
„Гардијан“: Судот во Лондон ја одобри жалбата на Џулијан Асанж, тој сè уште нема да биде екстрадиран во САД
Џулијан Асанж извојува победа во тековната борба против екстрадицијата од Велика Британија кога судиите на Високиот суд во Лондон го одобрија неговото жалбено барање, пишува „Гардијан“.
Двајца судии, пишува „Гардијан“, ја одложија одлуката во март за тоа дали Асанж, кој се обидува да го избегне судењето во САД за обвиненијата за шпионажа поврзани со објавувањето илјадници тајни и дипломатски документи, може да го однесе својот случај на второ жалбено рочиште.
Како што пишува „Гардијан“, Асанж би можел да добие право да побара жалба.
Асанж е обвинет за 17 точки за шпионажа и една точка за злоупотреба на компјутер, според медиумот, кој предвидува максимална казна од 175 години затвор, за објавување голема количина доверливи американски документи на неговата веб-страница пред речиси 15 години.