Свет
(Видео) Камерите снимија момент што ја заледува крвта: ајкула лови фока, но за малку кајакарoт што снимаше ќе станеше нејзина жртва
Камерите снимија момент што го одзема здивот – ајкула удира двапати во кајакар додека лови фока и за малку ќе го преврти пловилото на кое тој се наоѓа.
Грег Потер седел во својот кајак и се восхитувал на природата од далечина додека гледал ајкула како се обидува да фати фока на источниот ‘рт на Нов Зеланд.
Но, додека младата ајкула се обидувала да го фати својот плен во вилиците, се приближила и малку недостигало за самиот кајакар да го доведе во акција.
Ајкулата двапати го удрила дното на кајакот на Грег и за малку ќе го превртела пловилото при вториот обид.
Ударот речиси го соборил Грег во водата, потенцијално оставајќи го на милост и немилост на ајкулата.
Грег раскажа дека движејќи се со кајакот, бргу сфатил дека се работи за млада ајкула, која брка фока. Тој престанал да го движи пловилото на речиис 200 метри и ги снимил неверојатните сцени, а кои ги објави на своите канали на социјалните мрежи.
„Имам голема бела ајкула, која брка фока овде. Тоа е нереално“, рече тој.
Грег потоа донесе брза одлука да бега додека фоката и ајкулата почнаа да кружат околу него – но, веќе беше доцна. Тој рече дека мислел оти фоката можеби го користела неговиот кајак за да се скрие предизвикувајќи ја ајкулата да скокне блиску до него и двапати да удри во чамецот.
Вториот удар за малку ќе го исфрлел Грег од кајакот и ќе го фрлел право во водата, уште поблиску до вилиците на ајкулата. Но, искусниот кајакар успеал да ја врати рамнотежата и да продолжи со брзото излегување од опасната зона.
Тој за „Нов Зеланд хералд“ изјави дека искуството му го одзел здивот и дека успеал да остане прилично смирен и покрај тоа што ајкулата во еден момент му била на дофат.
Сепак, авантуристот рече дека потенцијалните последици од она што можело да се случи доколку не одржувал рамнотежа сè уште го плашат.
„Да беше во можност да ме извлече од кајакот, тоа можеше да биде прилично катастрофален крај“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.