Свет
(Видео) Карневалски спектакл во Рио: разголени убавици играат самба на улиците, градоначалникот ужаснат
![](https://makfax.com.mk/wp-content/uploads/2019/03/Rio.jpg)
Иако Марсело Кривела, градоначалникот на Рио де Жанеиро и член на влијателната евангелистичка црква, укина 1,5 милион долари за парада на најпознатата школа на самба, годинашниот карневал беше фантастичен!
Најпознатиот карневал во светот започна во петокот во Рио де Жанеиро, и ќе трае и денес, иако градоначалникот пуританец се обиде да ја спречи експлозијата на сексапил.
Медиумите го нападнаа Кривела поради обидот да ја расипе најголемата забава во светот поради своите верски убедувања.
„Не е вистина тоа што го велат луѓето, дека имам предрасуди кон карневалот”, се бранеше тој, додавајќи дека не сака на никого да му ја расипе забавата. Сепак, со денови беше нејасно дали тој ќе се појави на карневалот. Се појави, но сепак не ги предаде лично клучевите на градот на кралот на карневалот, туку тоа го направи претседателот на Туристичкото биро на Рио.
Кривела е бискуп на една од најголемите и највлијателни евангелистички цркви – Универзалната црква на Царството Божјо – а за прв човек на Рио беше избран во 2016 година. Многумина од евангелистите кои го доведоа на власт се противат на разузданиот карневал.
Драмата околу предавањето на клучевите на градот ја нарече „религиозна догма”, и тој се прашуваше дали е тоа воопшто важно.
„Дали тоа ќе го подобри образованието или здравјето”, се праша тој, но мораше да заклучи дека карневалот е „парадоксално време на градот”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
28 милиони долари за кампањата на Бајден собраа холивудските ѕвезди
![](https://makfax.com.mk/wp-content/uploads/2024/06/bajden-italija.jpg)
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.