Свет
(Видео) Маж со комбе газел луѓе во Британија: тројца мртви и неколку повредени

Маж со комбе прегазил луѓе во центарот на британскиот град Нотингем, пренесуваат медиумите. Во инцидентот има најмалку тројца мртви и неколку повредени.
Полицијата откри дека нешто по четири часот утрото добила пријава за загинати луѓе на улица. По пристигнувањето, пронашле две мртви лица. Потоа добиле дојава дека комбе удрило во други три лица во блиската улица, кои се повредени. Потоа добиле пријава за уште еден починат, исто така на улица.
Жена која сведочи за инцидентот, раскажала како утрово видела комбе како удира двајца луѓе на улица во Нотингем.
„Во пет и пол видов комбе како застанува покрај мене. Беше бело. Полициско возило полека доаѓаше зад него. Човекот на возачкото седиште погледна во ретровизорот и го виде полициското возило зад него. Потоа удри луѓе на аголот на улицата“ изјави Лин Хагит за вестите на Канал 4.
Началничката на тамошната полиција, Кејт Мејнел, изјави дека се работи за страшен инцидент, во кој се одземени три животи.
„Сметаме дека сите три инциденти се поврзани и дека лицето што тоа го сторило е во притвор. Оваа истрага е во рана фаза и тим детективи работи на утврдување што точно се случило. Ги молиме граѓаните за трпение додека траат истрагите. Засега многу патишта во градот се затворени и ќе останат затворени додека трае истрагата“, рече таа.
Уапсен е 31-годишен маж. Како што наведуваат британските медиуми, во оваа фаза нема индиции дека се работи за тероризам, но дека трите инциденти, најверојатно, се поврзани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.
Свет
Премиерот на Гренланд: Со нетрпение ја очекувам посетата на данската премиерка

Гренландскиот премиер Јенс-Фредерик Нилсен денеска изјави дека со нетрпение ја очекува посетата на данската премиерка Мете Фредериксен во среда.
Нилсен рече дека Гренланд долго време ја посакувал оваа посета, објави Ројтерс.
Тој во неделата рече дека САД нема да го добијат Гренланд, одговарајќи на изјавите на американскиот претседател Доналд Трамп дека сака да ја преземе контролата врз оваа самоуправна автономна територија под суверенитет на Данска.
Свет
Од кабинетот на Зеленски негираат дека тој се подготвува да се кандидира за втор мандат

Од кабинетот на украинскиот претседател Володимир Зеленски го демантираат извештајот на британскиот Економист дека Зеленски се подготвува да се кандидира за втор мандат на претседателските избори во јули.
Оттаму исто така, негираа дека Зеленски одржал состанок за изборите во јули, на кој наводно, според Економист, му наредил на својот тим да ги организира изборите, пренесе УНИАН.
Извор од украинската влада изјави дека главното прашање сега е постигнување мир и дека е целосно лажно дека подготовките за изборите веќе се во тек.