Европа
(Видео) Макрон, Џонсон и Трудо снимени како го исмеваат Трамп
На самитот на НАТО во Лондон, кој се одржува вчера и денеска, јавноста веќе имаше шанса да види како пред камерите вербално се судрија американскиот претседател Доналд Трамп и неговиот француски колега Емануел Макрон.
Но, на нови снимки кои се појавија на социјалните мрежи и ги објавија повеќе странски медиуми може да се види како лидерите на некои од најголемите американски сојузници, според контекстот на разговорот, го озборуваат и го исмеваат Трамп.
Снимката е направена на прием во Бакингамската палата кај кралицата Елизабета Втора и нејзиниот наследник, принцот Чарлс.
На снимката се гледаат холандскиот премиер Марк Руте, канадскиот премиер Џастин Трудо, британскиот премиер Борис Џонсон и францускиот претседател Емануел Макрон, како стојат во круг и разговараат пиејќи.
Дел од разговорот, фатен од микрофони на американската Си-би-ес, е доста интересен.
„А зошто доцниш?“, го прашува Џонсон, Макрон. Наместо Макрон, одговара Трудо: „Доцни поради неговата 40-минутна прес-конференција“.
This happens at every NATO summit with Trump. Every G7. Every G20. The US President is mocked by US allies behind his back. pic.twitter.com/FWncEM7jVs
— ian bremmer (@ianbremmer) December 4, 2019
Макрон во вторникот попладне разговараше со Доналд Трамп, кој пред самитот остро го нападна францускиот колега поради неговата претходна проценка за „мозочна смрт“ на НАТО и поради планираното оданочување на американски технолошки компании.
Макрон и Трамп долго време одговараа на новинарски прашања, што не беше предвидено во протоколот, при што Макрон кажа дека тој останува на своите тврдења за НАТО, кои Трамп ги оцени како навредливи.
Џастин Трудо со насмевка оцени: „Убаво се виде дека членовите на неговиот тим (н.з. на Трамп) подзинаа, како паднати од Марс“.
Како и на претходниот самит на НАТО, Трамп не се придржуваше кон протоколот, па изјавите за новинарите во друштво на лидерите на сојузничките земји ги користеше за непредвидено да одговара на прашања од меѓународните медиуми.
Разговорот на европските лидери со канадскиот премиер случајно е снимен со камери на канадска телевизија, а сигурно нема да ја подобри атмосферата денеска кога на самитот ќе се разговара за турската операција во Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.