Европа
(Видео) Мајка и син три години живееле затворени во стан меѓу ѓубре и храна, жената се плашела од корона
Индијка се заклучила себеси и нејзиниот 10-годишен син во нивниот дом, три години поради страв да не се зарази со коронавирус, соопштија официјални лица.
Жената, идентификувана како Мунмун Манџи и нејзиниот син, жители на градот Гургаон во близина на Делхи, беа спасени оваа недела откако нејзиниот сопруг побарал помош од полицијата.
Полициска екипа, здравствени службеници и членови на социјалните служби упаднале во станот за да ги спасат мајката и синот, јавуваат локалните медиуми.
Видеата и фотографиите на социјалните мрежи покажуваат купишта облека, ѓубре, коса и намирници расфрлани низ целиот стан.
Жената наводно била во паника поради пандемијата и верувала дека нејзиниот син ќе умре доколку излезе од куќата, пренесуваат медиумите.
„Беше многу тешко да ја убедам жена ми да излезе од дома со нејзиниот син бидејќи се плашеше дека и двајцата ќе се заразат со коронавирусот“, рекол таткото Суран Мајџи, пренесува „Индипендент“.
Медиумите објавија дека ѓубрето не се изнесувало од куќата три години, а синот за тоа време не видел сонце.
За време на престојот во заклучената куќа, жената не дозволила никој, па ниту нејзиниот сопруг да влезе внатре. Тој бил во контакт со нив преку видео повик. Тој за „Indian Express“ изјави дека намирниците и другите предмети ги оставал пред вратата.
“Не можев да ги задржам солзите кога го прегрнав син ми за прв пат по три години. Го бакнав и му ветив дека семејството ќе живее како порано”, рекол тој.
По спасувањето, мајката и синот се пренесени во болница на прегледи.
Инцидентот предизвика загриженост за влијанието на Ковид-19 врз менталното здравје и потребата за поддршка за време на пандемијата, пишуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Италијанскиот остров го забрани доаѓањето на туристи поради недостиг на вода
Италијанскиот остров Капри денеска го забрани пристигнувањето на туристи поради недостиг на вода предизвикан од проблеми со снабдувањето од копното.
Градоначалникот на Капри, Паоло Фолко, ја прогласи забраната во седум часот наутро, поради што неколку фериботи веќе на пат кон островот мораа да се вратат назад.
Компанијата задолжена за снабдување на островот со вода објави дека има технички потешкотии во четвртокот, а иако подоцна објави дека ги решила, на Капри се уште му недостасува вода.
„Ситуацијата се влошува“
За време на објавувањето на забраната, Фалко предупреди на вонредна ситуација, велејќи дека иако во петокот имало малку вода на островот, акумулациите се празни.
„Ситуацијата се влошува со пристигнувањето на илјадници туристи секој ден во Капри“, рече тој.
„Забраната останува до понатамошно известување“
Жителите на тој остров во близина на Неапол имаат право на 25 литри вода за пиење по домаќинство, најави градоначалникот.
Забраната за пристигнување на туристи ќе остане на сила до понатамошно известување, додаде тој.
Капри, островот познат по своите бели вили, заливи и врвни хотели, има околу 13 илјади жители.
Европа
Барселона планира да забрани изнајмување станови на туристи
Барселона денеска објави дека до 2028 година ќе го забрани издавањето станови на туристи, со што сака да го спречи растот на трошоците за домување и да им овозможи на граѓаните да живеат во свој град.
Левичарскиот градоначалник на градот, Жауме Колбони, рече дека до ноември 2028 година, Барселона ќе ги одземе лиценците на 10.101 станови кои моментално се лиценцирани за краткорочно изнајмување.
„Се справуваме со она што го сметаме за најголем проблем на Барселона“, рече Колбони на настанот на градската влада.
Краткорочниот бум на изнајмување во Барселона, најпосетуваниот град во Шпанија, остави некои граѓани да не можат да си дозволат кирија откако кириите се зголемија за 68 отсто, а цените на недвижниот имот за 38 отсто во изминатите 10 години, рече тој. Пристапот до домување стана двигател на нееднаквоста, особено за младите луѓе, додаде тој.
Во последните десет години, локалните власти воведоа ограничувања за краткорочно изнајмување на Канарските Острови, Лисабон и Берлин.
Социјалистичката министерка за домување на Шпанија, Изабел Родригез, рече дека ја поддржува одлуката.
„Станува збор за правење сè што е потребно за да се гарантира пристап до прифатливи станови“, објави таа на Икс.
Airbnb, платформата за изнајмување станови, не одговори на барањето за коментар.
„Колбони прави грешка што ќе доведе до сиромаштија и невработеност“, соопшти асоцијацијата за изнајмување на туристички станови во Барселона АПАРТУР, додавајќи дека забраната ќе доведе до зголемување на нелегалните изнајмувања на станови.
Одлуката ќе биде од корист за хотелите. Екстремно левичарската партија која владееше со Барселона од 2015 до 2023 година забрани отворање на нови хотели во најпопуларните области во градот, но Колбони навести дека може да ги ублажи ограничувањата.
Од хотелската асоцијација на Барселона не сакаа да ја коментираат веста.
Тие 10.000 станови ќе ги користат граѓаните или ќе завршат на пазарот под кирија или продажба“, рече градоначалникот.
Локалните власти најавија строги инспекции кога забраната ќе стапи на сила.
Во последниве години во Барселона не беше дозволена регистрација на нови туристички апартмани. Од 2016 година локалната власт нареди затворање на 9.700 диви туристички станови и речиси 3.500 станови повторно ги користат граѓаните за домување.
Европа
Русија: Треба да разговараме со САД, глобалната безбедност е загрозена, проблемите растат
Русија гледа итна потреба од безбедносни разговори со Соединетите Американски Држави, но тие мора да бидат сеопфатни и да го вклучуваат прашањето за Украина, соопшти денеска Кремљ. „Невозможно е да се извлечат поединечни делови од општиот комплекс на акумулирани проблеми, а ние нема да го сториме тоа“, рече портпаролот на Кремљ, Дмитриј Песков, на прашањето дали Москва е подготвена да разговара со Вашингтон за нуклеарните ризици.
„Отворени сме за дијалог, но за широк, сеопфатен дијалог кој ги опфаќа сите димензии, вклучително и сегашната димензија поврзана со конфликтот околу Украина, поврзана со директното учество на САД во овој конфликт“, рече Песков за новинарите. САД ги отфрлаат руските тврдења дека со вооружувањето на Украина станаа директен учесник во војната чија цел е да и се нанесе „стратешки пораз“ на Москва. Вашингтон вели дека какви било преговори за војната се во јурисдикција на Украина.
Руската позиција, како што ја претстави Песков, не е ништо ново, потсетува Ројтерс. Сепак, тој им рече на новинарите дека списокот на теми за кои Русија и САД треба да разговараат се зголемува. „Сè на сè, овој дијалог е многу неопходен. Неопходен е затоа што проблемите се натрупуваат, а има и многу тешкотии поврзани со глобалната безбедносна архитектура“, рече Песков.
Од перспектива на Вашингтон, рускиот претседател Владимир Путин, кој веќе трета година води војна во Украина, е одговорен за умножувањето на безбедносните проблеми.
Оваа недела Путин ја посети Северна Кореја, единствената земја која тестираше нуклеарно оружје во 21 век, и потпиша договор за заемна одбрана со нејзиниот лидер Ким Џонг Ун и рече дека можеби ќе му испрати руско оружје на Пјонгјанг како одговор на западното вооружување на Украина. .
Путин, исто така, во вторникот повтори дека размислува да ја ревидира руската доктрина за употреба на нуклеарно оружје. Најновиот договор за контрола на вооружувањето, кој го ограничува бројот на стратешки нуклеарни боеви глави што Русија и САД можат да ги распоредат, истекува во 2026 година.