Свет
(Видео) Над 50 загинати во невремето во САД, папата ги повика луѓето да бидат силни

Најмалку 50 луѓе загинаа во ураганот Ида, кој го погоди североисточниот дел на САД, додека голем број луѓе сè уште се водат како исчезнати.
Папата Франциско ги повика оние што се погодени од катастрофата да бидат силни.
Во Њујорк се потврдени 17 смртни случаи, четири во Вестчестер, а останатите во градот Њујорк, каде што речиси сите жртви беа заробени во илегални подрумски станови, изјави портпаролот на гувернерката, Кети Хочул, пренесе „Ројтерс“.
Во Њу Џерси се потврдени 27 смртни случаи во невремето, а четири лица се водат како исчезнати, изјави портпаролот на гувернерот Фил Марфи. Бројот на жртви во Луизијана се искачи на 12 и се стравува дека може да има повеќе, изјави гувернерот на таа федерална држава, Џон Бел Едвардс.
Луизијана беше првата што беше погодена од Ида и повеќе од милион жители останаа без електрична енергија, а некои и денес ја немаат. Бел Едвардс објасни дека многумина сега се потпираат на генератори и дека 12 луѓе починале од труење со јаглерод моноксид поради употреба на генератори. Двајца корисници на дом за стари лица загинаа кога ураганот го уништи складиштето каде што беа евакуирани, па истрагата е во тек, соопштија властите.
Папата Франциско упати сочувство до жртвите на Ида на неговата неделна миса на плоштадот Свети Петар.
„Господ нека ги поздрави душите на загинатите и нека им даде сила на оние што страдаат од оваа несреќа“, рече папата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Макрон, Мерц, Стармер и Туск заедно во Украина: „Ќе го зголемиме притисокот врз Русија“

Лидерите на Франција, Велика Британија, Германија и Полска денес се во Украина, во првата таква заедничка посета, за да разговараат со претседателот Володимир Зеленски и да ветат дека ќе го зголемат притисокот врз Русија додека не се постигне договор за прекин на огнот.
Патувањето на францускиот претседател Емануел Макрон, германскиот канцелар Фридрих Мерц, полскиот премиер Доналд Туск и британскиот премиер Кир Стармер е првпат лидерите на четири европски нации заедно да ја посетат Украина.
‼️Unprecedented: German Chancellor Friedrich Merz, UK Prime Minister Keir Starmer, French President Emmanuel Macron, and Polish Prime Minister Donald Tusk have arrived in Kyiv.
The European leaders plan to meet with Volodymyr Zelensky and call on Moscow for an unconditional… pic.twitter.com/Dy56s2bekx
— NEXTA (@nexta_tv) May 10, 2025
Тројцата западноевропски лидери утрово заедно излегоа од возот од Полска, а подоцна треба да им се придружат на полскиот премиер, кој пристигна одделно во Киев, и на украинскиот претседател.
Овој високо симболичен израз на европското единство дојде повеќе од три години по руската инвазија и еден ден откако рускиот претседател Владимир Путин упати пркосен тон на парадата во Москва по повод 80-годишнината од победата во Втората светска војна.
Американскиот претседател Доналд Трамп предложи 30-дневен безусловно примирје како чекор кон завршување на конфликтот. Но, Путин се спротивставува на предлогот. „Заедно со САД, ја повикуваме Русија да се согласи на целосно и безусловно 30-дневно примирје за да се создаде простор за разговори за праведен и траен мир“, изјавија лидерите во соопштението пред посетата.
„Подготвени сме што е можно поскоро да ги поддржиме мировните преговори, да разговараме за техничката имплементација на прекинот на огнот и да се подготвиме за сеопфатен мировен договор“, додадоа тие.
„Јасно ни е дека крвопролевањето мора да престане, дека Русија мора да ја запре својата нелегална инвазија и дека Украина мора да може да напредува како безбедна, сигурна и суверена нација во рамките на своите меѓународно признати граници со генерациите што доаѓаат“, рекоа тие.
Тие предупредија дека ќе продолжат да ја зголемуваат својата поддршка за Украина. „Додека Русија не се согласи на трајно примирје, ние ќе го зголемиме притисокот врз руската воена машинерија“, рекоа тие.
Во денешно интервју за Еј-би-си Њуз, портпаролот на Кремљ, Дмитриј Песков, изјави дека испораките на оружје од сојузниците на Украина мора да престанат пред Русија да се согласи на прекин на огнот.
Во спротивно, примирјето би било предност за Украина во време кога руските трупи напредуваат на прилично самоуверен начин на фронтот, рече Песков, додавајќи дека Украина не е подготвена за непосредни преговори.
Свет
Криминалци поставија заседа на еквадорската армија, убивајќи 11 војници

Единаесет војници се убиени, а еден е повреден во еквадорскиот регион Амазон за време на вооружен судир со криминална група, соопшти Министерството за одбрана на земјата.
Војниците биле нападнати за време на операција насочена против нелегалното рударство во областа Алто Пунино, соопшти еквадорското министерство.
Заседата ја извршила вооружената група Командос де ла Фронтера, или „Гранична команда“, која за време на нападот употребила експлозиви, гранати и пушки, додадоа тие, повикувајќи се на воени разузнавачки информации.
Свет
Рубио разговараше со началникот на пакистанската армија, повика на деескалација

Американскиот државен секретар Марко Рубио разговараше со началникот на пакистанската армија, генерал Асим Мунир, и ги повика Пакистан и Индија да најдат начини за деескалација, изјави портпаролот на американскиот Стејт департмент.
Рубио, исто така, понуди американска помош за започнување конструктивни разговори за да се избегнат идни конфликти, рече портпаролот.
Пакистан соопшти дека рано утрово започнал воена операција против Индија, насочена кон повеќе бази, вклучувајќи и складиште за ракети во северна Индија.