Свет
(Видео) Над 50 кита пцовисаа на плажа во Шкотска: „Сѐ поради една женка“

Група од 55 кита пцовисаа по масовно заринкување на брегот на плажа во Шкотска. За жал, речиси сите пцовисале или биле евтанизирани за да им се скратат маките бидејќи спасувачите не можеле да им помогнат. Наодите од обдукцијата се чекаат, но експертите веруваат дека ја знаат причината за нивното заглавување.
Морските спасувачи беа повикани на местото на настанот на островот Луис по извештаите дека десетици цицачи се во неволја.
Reckoned to be about 55 pilot whales stranded on Traigh Mhor at North Tolsta in the Isle of Lewis this morning. pic.twitter.com/yokwcnTQLO
— Angus B MacNeil MP🇺🇦 (@AngusMacNeilSNP) July 16, 2023
Првичните извештаи сугерираа дека група од речиси 55 животни, составени од возрасни и младенчиња, биле на плажата, но набргу било откриено дека само 15 сѐ уште се живи.
Британски нуркачи за спасување морски животни се обиделе да извлечат два кита, кои давале знаци на живот и биле поактивни во подлабоките води и еден успеал да побегне. Меѓутоа, вториот подоцна повторно се заглавил и умрел, а истата судбина ја доживеале уште тројца. Околу 15.30 часот е одлучено преостанатите китови да бидат евтанизирани за да им се намалат маките.
Причината за заринкувањето не е позната, но се претпоставува дека китовите можеби следеле една од женките.
„Се чини дека една од мртвите женски китови имала вагинален пролапс – така што во моментот се претпоставува дека целата група била заглавена поради една женка, која се породила“. Пилот-китовите се познати по својата силна социјална поврзаност, па често кога еден кит ќе западне во неволја и ќе заринка, другите го следат“, „Индипендент“ го цитира соопштението на BDMLR.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Итна порака на Зеленски до САД и до Европа: Не смееме да чекаме до 11 април

Украинскиот претседател Володимир Зеленски повика на глобален одговор по последниот напад со беспилотно летало извршен синоќа од страна на Русија велејќи дека против Русија мора да се реагира без одлагање.
Во директна порака до западните сојузници Зеленски истакна дека е потребен нов и опиплив притисок врз Москва за да се стави крај на војната.
„САД и европските земји не смее да чекаат до 11 април кога завршува цел месец откако Русија го отфрли предлогот на САД за прекин на огнот. Оваа систематска и постојана природа на руските напади јасно покажува дека Москва ги презира дипломатските напори на нашите партнери“, напиша Зеленски на социјалната мрежа X.
Според него, Путин не сака да обезбеди дури и делумен прекин на огнот.
„Не смееме да чекаме до 11 април кога ќе помине еден месец откако Русија му рече ‘не’ на американскиот предлог за прекин на огнот. Мора да се преземе акција што е можно побргу“, напиша Зеленски.
Тој додаде дека Киев е подготвен да соработува со партнерите од САД и Европа со цел да се постигне достоен и траен мир.
Свет
Унгарија има намера да воведе можност за одземање на државјанството

Унгарската влада сака да воведе можност за привремено одземање на унгарското државјанство на одредени двојни државјани.
Соодветниот предлог-закон синоќа до парламентот го поднесе владејачката партија на Виктор Орбан, јавува виенски „Ое24“.
Предлог-законот, кој се очекува да биде усвоен, има цел да им го одземе државјанството на лицата што се карактеризирани како закана за државата.
Според нацрт-законот, одземањето на унгарското државјанство може да важи само за двојни државјани, чие второ државјанство не е државјанство на земја од ЕУ, Швајцарија, Лихтенштајн, Норвешка или Исланд, пренесува „Танјуг“.
Одземањето на државјанството треба да биде можно, меѓу другото, доколку некое лице дејствува во интерес на странска сила или странска организација, ги постигнува целите на странска сила или странска организација и на тој начин претставува закана за јавниот ред и безбедност на земјата.
Предложениот закон може да влијае на унгарско-американските двојни државјани, кои се ангажирани во невладини организации, пишува австрискиот весник.
Одземањето на унгарското државјанство би овозможило протерување лице што е класифицирано како закана за земјата.
Свет
Маријани: Користејќи ги примерите на Додик и Ле Пен, ЕУ ја демонстрира смртта на демократијата

Користејќи ги примерите на Мари Ле Пен и Милорад Додик, кои беа политички осудени, Европската Унија ја демонстрира смртта на демократијата, вели Тијери Маријани, пратеник во Европскиот парламент од Франција.
„Од Париз до Република Српска, ЕУ ја оркестрира смртта на демократијата. Истите методи, истата немилосрдност“, рече Маријани во видеообраќањето објавено на платформата „Икс“, пренесува РТРС.
Тој ја праша претседателката на Европската комисија, Урсула фон дер Лајен, дали има некакви коментари, а потоа изјави:
„ЕУ повеќе не се плаши од авторитаризам, туку го прифаќа“.