Свет
(Видео) Најмалку четворица загинати и 43 повредени во напад на родниот град на Зеленски

Најмалку четири лица загинаа, а 43 се повредени во руски напад на станбена зграда во Криви Рих, во централна Украина, според извештајот на украинското Министерство за внатрешни работи, а проруските власти во Донецк исто така пријавиле загуби во своите редови.
„Русите го погодија градот со две ракети, од кои едната уништи неколку ката од станбена зграда“, напиша министерот Игор Клименко во пораката на „Телеграм“. „Четири лица загинаа, а 43 се повредени“, рече тој во новиот извештај напладне додавајќи дека тројца жители се спасени, а 30 се евакуирани.
Part of the building in Kryvyi Rih that was hit by a Russian missile today, fell down even more. The moment was captured on video.
As of now, four people have been confirmed dead, including a 10 year old child.
53 people injured – regional military administration. pic.twitter.com/TN8sI46aNF— Anton Gerashchenko (@Gerashchenko_en) July 31, 2023
Меѓу загинатите има и десетгодишно дете, изјави гувернерот на регионот Днепропетровск, Сергеј Лисак. Вториот проектил ја погодил зградата на образовна установа, изјави министерката за внатрешни работи.
„Удрија во станбени згради, универзитетска зграда, раскрсница. За жал, има мртви и повредени. Можеби има луѓе под урнатините“, коментира на „Фејсбук“ украинскиот претседател Володимир Зеленски осудувајќи го рускиот тероризам.
Зеленски израснал во тој град, познат по производството на челик, кој пред војната имал околу 600.000 жители.
„Овој терор нема да нѐ исплаши, ниту да нѐ скрши. Ние работиме и го спасуваме нашиот народ“, напиша тој на „Телеграм“.
Службите за итни случаи се на терен и го гаснат пожарот и се обидуваат да ги пробијат урнатините, соопшти Министерството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Италијанец снимал деца на Истра со камери скриени во пенкала

Истарската полиција заврши кривична истрага против 67-годишен италијански државјанин, осомничен за сериозно кривично дело поврзано со злоупотреба на техничка опрема и нарушување на приватноста на малолетни лица.
Според соопштението на Полициската управа на Истра, инцидентот се случил на 26 јуни, околу 15 часот, кога гостин во туристички објект забележал лице како недозволено снима малолетници. Лицето било задржано до пристигнување на полициски службеници, кои веднаш постапиле согласно законските надлежности.
По судска наредба, биле извршени претреси на неколку уреди со скриени камери, вклучувајќи техничка опрема со интегрирани снимачки механизми, мемориски уреди, мобилен телефон и возилото на осомничениот. Полициската управа информира дека се пронајдени материјали кои ќе бидат предмет на понатамошна истрага.
Осомничениот е уапсен и вечерта на 27 јуни предаден во притворската единица на Полициската управа на Истра со поднесена кривична пријава.
Свет
Лавров: Западот повторно се обидува да ѝ нанесе стратешки пораз на Русија, нема да успее

Западот никогаш не успеал и никогаш нема да успее да ѝ нанесе стратешки пораз на Русија, изјави шефот на руската дипломатија Сергеј Лавров на средбата со министерот за надворешни работи на Киргистан, Јенбек Кулубаев.
„Сведоци сме на невидена конфронтација меѓу нашата земја и колективниот Запад, кој повторно одлучи да војува против нас и да ѝ нанесе стратешки пораз на Русија, користејќи го нацистичкиот режим во Киев како овен за удар. Западот никогаш не успеал во ова, а нема да успее ниту овој пат“, порача Лавров, пренесе рускиот весник „Известија“.
Тој ја потенцираше важноста на стратешките и блиски врски со Киргистан, наведувајќи дека Русија ги цени односите со оваа пријателска земја во сите сфери.
Лавров додаде дека, и покрај санкциите и, како што рече, нелегитимниот притисок од Западот, трговијата меѓу Русија и Киргистан бележи раст, а се продлабочува и соработката во хуманитарната, образовната и меѓународната сфера.
Свет
„Ле Монд“ алармира: Украински војници фотографирани со кукасти крстови и СС ознаки

Украинската Трета ударна бригада, која е формално интегрирана во вооружените сили на Украина, повторно се најде во фокусот на јавноста поради обвинувања за неонацистички симболи меѓу нејзините припадници. Според истражувачкиот текст објавен од францускиот весник „Ле Монд“ (Le Monde), стотици војници од оваа елитна бригада јавно објавуваат фотографии на социјалните мрежи со нацистички симболи – вклучително и поздрави, кукасти крстови и ознаки поврзани со СС единиците од нацистичка Германија.
Како што нагласува весникот, Третата ударна бригада е директен наследник на баталјонот „Азов“, кој во изминатите години доби репутација како неонацистичка паравојска, пред да биде формално интегрирана во армијата на Украина. Иако властите во Киев ветија „ребрендирање“ и деконтаминација на нејзиниот имиџ, доказите од теренот покажуваат дека радикалната естетика и симболика сè уште се присутни.
Новинарите на „Ле Монд“ посочуваат дека користењето на овие симболи кај дел од војниците не е случајно – кај некои од нив тоа претставува идеолошка определба, додека кај други се користи како метод за заплашување и демонстрација на сила. Овие наоди предизвикаа сериозни критики во дел од меѓународната јавност, особено со оглед на поддршката која Украина ја добива од западните држави.
Весникот потсетува и на настан од 14 јуни во Киев, кога за време на „Маршот на еднаквоста“ организиран во поддршка на ЛГБТИК+ заедницата, се одржа паралелен контрапротест под наслов „Марш на традицијата“, организиран од националистичкото движење „Карпатски сич“. Според објавите на социјалните мрежи, дел од учесниците на овој контрапротест користеле гестови кои потсетуваат на нацистички поздрав.
Она што дополнително предизвика реакции е фактот што и покрај присуството на полицијата на настанот, не е забележана никаква интервенција или реакција од надлежните служби.