Свет
(Видео) Објавени нови сателитски снимки од Крим: стравот на Путин да го изгуби полуостровот
Објавени се нови сателитски снимки од Крим, кои ја прикажуваат сложената мрежа на ровови на окупираниот полуостров.
Русија изгради десетици одбранбени структури, кои се протегаат на километри, пишува „Вашингтон пост“. Видеата за весникот ги достави компанијата „Максар“. Се додава дека зградите го покажуваат стравот на Русија од губење на Крим.
#Maxar satellite images: A web of trenches shows Russia fears losing Crimea, which it illegally annexed in 2014. #CrimeaIsUkraine #Ukraine #UkraineWillWin #RussiaUkraineWar #RussiaIsATerroristState https://t.co/iCthHNeDU1 pic.twitter.com/iQTuoP43Lz
— Aidan 🌏 (@BreAidan) April 4, 2023
„Руската армија очигледно сфаќа дека Крим ќе мора да се брани во блиска иднина“, изјави Јан Матвејев, руски воен аналитичар.
Одбраната беше подигната бргу, пред очекуваната пролетна офанзива на Украина. За само неколку недели, Русија изгради милји утврдувања во близина на Витин, град на западниот брег на Крим – иако аналитичарите велат дека е малку веројатен амфибиски напад.
⚡⚡The #Russians are actively preparing for a possible offensive by the Armed Forces of #Ukraine in Crimea, strengthening their defensive positions, writes The #Washington Post.
The newspaper publishes satellite images of the #Maxar company, judging by which,1/3⬇️ pic.twitter.com/cin4mthas6
— 🇺🇦UkraineNewsLive🇺🇦 (@UkraineNewsLive) April 4, 2023
Иднината на Крим е тешка тема. Украина постојано најавуваше дека ќе го врати Крим. Украинскиот претседател Володимир Зеленски вети дека ќе го врати под контрола на неговата земја, но рускиот претседател Владимир Путин вети дека никогаш нема да се откаже од тоа.
Географијата на регионот претставува големи тешкотии и за Украина и за Русија. Крим е поврзан со копното на Украина со тесен мочурлив премин на земја што може да ја запре офанзивата. Но, близината на полуостровот до фронтот може да се покаже и опасна за руската окупација изолирајќи ги нејзините сили и ставајќи ги на лесен дофат на украинското оружје.
БТМ-3, машина за копање ровови од советската ера, копа со брзина од речиси половина километар на час, дури и кога земјата е замрзната.
Американската војска еднаш се чудеше на овие машини пишувајќи во внатрешен извештај во 1980 година дека ништо слично на нив не постоело во САД, Европа или Јапонија.
Рововите се градат со помош на комбинација на машини и физичка работа. Тие почнаа да се појавуваат низ целиот полуостров, но се чини дека се концентрирани по должината на крајбрежната област.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелците со тенк убија пет свои војници во Газа
Петмина израелски војници загинаа во пријателски оган во северниот дел на Појасот Газа, а тројца се тешко ранети, соопштија израелските одбранбени сили.
Според израелските медиуми, војниците загинале вчера во пријателски оган од израелски тенкови за време на судирите со милитантите на Хамас.
Извештаите велат дека тенк удрил во зграда во бегалскиот камп Џабалија каде што биле сместени војници.
Според податоците на израелската армија, од почетокот на војната во Газа, во борбите загинале 626 војници, а околу 3.500 се ранети.
Свет
Тинејџер исчезна во Алжир во 1998 година, по 26 години пронајден е жив во шталата на соседот
Алжирецот кој исчезнал пред 26 години бил пронајден во шталата на соседот, на само неколку минути пешачење, објави оваа недела Министерството за правда на земјата.
Човекот, идентификуван само како Омар Б., исчезнал на 19-годишна возраст, за време на граѓанската војна во Алжир во 1998 година, а неговото семејство претпоставувало дека бил киднапиран или убиен, пренесува „Си-би-ес“.
Сега, на 45-годишна возраст, тој бил пронајден меѓу стоговите сено на само околу 200 метри, откако братот на киднаперот се пожалил на социјалните мрежи за спор околу наследството.
Алжирските медиуми објавија дека кога членовите на семејството почнале да ја пребаруваат куќата на осомничениот, тој станал напнат кога се приближиле до стогот сено и на крајот го пронашле Омар Б. како седи под него во тишина.
Соседот (61) на семејството на Омар е приведен откако се обидел да избега, соопшти Министерството. Алжирските медиуми објавија дека жртвата изјавила дека не можел да повика помош „поради магијата што ја фрлил врз него неговиот киднапер“.
Киднаперот на тинејџерот е обвинет и дека го убил своето куче со отров, јавуваат алжирските медиуми.
Министерството соопшти дека истрагата се уште е во тек, додавајќи дека мажот добил медицинска и психолошка нега по злосторството, кое беше опишано како грозоморно.
Алжирските медиуми објавија дека мажот бил прегледан од лекар и префрлен во специјално психолошко одделение.
Свет
Заздравувањето на Фицо е доведено во прашање, на напаѓачот му пречела и владината политика кон Украина
Здравјето на словачкиот премиер Роберт Фиц се уште е тешко и рано е да се каже дали ќе закрепне, изјави неговиот заменик Роберт Калинак, ден по атентатот што ја шокираше Европа.
„За жал, сè уште не можам да кажам дека победуваме во напорите да го спасиме животот на Фиц, ниту дека прогнозите се позитивни бидејќи последиците од повредите предизвикани од четирите прострелни рани се такви што одговорот на телото на нив ќе продолжи да биде многу тежок“, рече Калинак.
Миријам Лапуникова, директорка на Универзитетската болница Рузвелт во Банска Бистрица, каде што се лекува премиерот Фицо, рече дека 59-годишниот премиер бил подложен на петчасовна операција во која учествувале два медицински тима за да ги санираат повеќете прострелни рани.
„Во овој момент успеавме да ја стабилизираме неговата состојба, но сепак е многу сериозна. Тој ќе биде задржан на интензивна нега“, изјави таа за новинарите.
Министерот за внатрешни работи Матус Сутај Есток на прес-конференција рече дека напаѓачот кого полицијата го товари за обид за убиство, дејствувал сам и дека претходно учествувал во антивладини протести.
„Станува збор за волк-самотник кој се радикализирал неодамна, во периодот по претседателските избори одржани во април“, изјави Сутај Есток.
„Како причини за нападот осомничениот ја наведе политиката на владата кон Украина, плановите за реформа на јавниот сервис и распуштањето на специјалното обвинителство“, рече министерот за внатрешни работи.
Словачки експерти во средата ги критикуваа безбедносните мерки преземени за заштита на премиерот по обидот за атентат врз Фиц.
„Самиот Фицо пред неколку недели зборуваше за опасностите од пукање врз политичарите“, изјави поранешниот началник на словачката полиција Стефан Хамран за весникот „Денник Н“ во четвртокот.
Тој се запраша кој ја анализирал потенцијалната опасност и ја проценил заканата. Хамран ја критикуваше реакцијата на телохранителите по пукањето.
Поранешниот шеф на словачката единица за обезбедување на заштитени лица, Јурај Забојник, исто така ги критикуваше телохранителите на премиерот.