Свет
Детали од обвинението против Трамп: завет на молчење, вонбрачно дете и пари за порноактерка
Поранешниот американски претседател, Доналд Трамп, првиот во историјата обвинет за кривично дело, со мрачно лице пред судот изјави дека не се смета за виновен по 34 точки од обвинението за фалсификување деловни сметки за што го обвинува Обвинителството во Њујорк.
Секоја од 34-те точки се однесува на посебна сметка на организацијата „Трамп“ дека постои основано сомневање дека е лажна.
Иако зборот заговор не е спомнат ниту еднаш на 16-те страници од документот, обвинителот Брег се обиде да пренесе како Трамп и неговите најблиски соработници смислиле шема за да се обидат да влијаат на исходот на претседателските избори во 2016 година.
„Поранешниот претседател фалсификува деловни книги во Њујорк и ги принудуваше и другите да лажат. Тој тврдеше дека му платил на својот поранешен адвокат Мајкл Коен за правни услуги во 2017 година, но тоа, едноставно, не е точно. Девет месеци по ред тој држел документи, кои содржеле клучна лага и лично ги потпишал чековите со кои му плаќал на Коен. Имајте предвид, ова не е еден документ, туку 34 документи“, рече обвинителот Алвин Брег.
Тој рече дека Трамп им плаќал на луѓето што тврделе дека имаат некои негативни информации за него.
„Само две недели пред претседателските избори Коен му испрати 130.000 долари на адвокатот на Сторми Даниелс. Тоа кажува сè“, рече Брег и спомена само една од трите плаќања за молк, но во обвинението се споменуваат повеќе.
Наводно, American Media Inc. платила 30.000 долари на поранешен чувар на „Трамп тауер“, кој тврдел дека има приказна за вонбрачното дете на Трамп. Наводно ѝ платиле 150.000 долари на американската плејбој-манекенка Карен Мекдугал, која имала сексуална врска со Трамп.
Откако Трамп му наложи на својот адвокат да го отплати AMI во готово, специјалниот советник му рече дека плаќањето треба да го изврши преку лажна компанија, а не во готово. AMI на крајот одби да ја прифати таксата.
Уште 130.000 долари ѝ припаднаа на порноактерката Сторми Даниелс за да ја премолчи нивната врска. Наводно, Даниелс била платена 12 дена пред претседателските избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.