Свет
(Видео) Паника на плажа во Калифорнија: Морски лавови ги избркаа туристите
На калифорниска плажа во близина на Сан Диего, испровоцирани морски лавови нападнаа капачи кои побегнале за да го избегнат нападот на овие инаку мирољубиви животни.
Шалијан Џеина, кој снимаше се на камера, изјави за NBC San Diego дека претходно еден од капачите им пришол и се обидел да ги фотографира одблиску. Тоа ги вознемирило животните, кои потоа, како што се гледа на видеото, ги бркаат туристите од плажата.
„Се надевам дека ова видео ќе биде едукативно искуство за идните посетители“, рече таа, додавајќи дека верува дека видеото ќе ја подигне свеста за тоа колку морските лавови можат да бидат опасни.
Морските лавови не се ништо ново кога станува збор за Калифорнискиот залив. Покрај плажата има дури и знаци кои ги предупредуваат посетителите да им дадат простор на фоките и морските лавови и да не ги вознемируваат.
Двата морски лава кои ги нападнаа туристите, за среќа, никого не повредија, но видеото брзо стана вирално на интернет.
????CALIFORNIA :#VIDEO SEA LIONS CHASING PEOPLE AT A BEACH IN SAN DIEGO!
Lifeguards were on standby in the water ensuring no one was hurt.
It’s recommended people stay at least 50 ft away from sea lions#Flash #SanDiego #California #SeaLions
????Malik Earnest pic.twitter.com/FspL6oe477— loveworld (@LoveWorld_Peopl) July 10, 2022
Инаку, овие интелигентни животни лесно стекнуваат различни вештини. Дури и американската морнарица ги користи за воени цели.
Тие се способни да нуркаат до длабочина од 74 метри и евидентирано е дека можат да го задржат здивот до 12 минути. Со пливање тие можат да достигнат брзина од околу 40 km/h.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.