Свет
(Видео) Пијан возач влетал во публика на карневал, најмалку 14 лица се загинати, има и повредени

Најмалку 14 лица загинаа, а 24 се повредени откако возило влета во публиката која гледаше мотоциклисти на популарниот карневал во јужниот нигериски пристанишен град Калабар.
Очевидци изјавија дека возачот кој се движел со голема брзина изгубил контрола над автомобилот.
Сликите објавени на интернет веднаш по инцидентот покажуваат расфрлани тела преку улицата.
#CrossRiver #Nigeria🇳🇬- At least 14 people killed and 24 more injured after a drunk driver lost control of speeding vehicle and ploughed into crowds at the annual carnival parade in #Calabar; Federal Road Safety Corps have said pic.twitter.com/qygf90i3CD
— CyclistAnons🚲 (@CyclistAnons) December 28, 2022
Годишниот карневал кој трае еден месец, стана главен настан откако беше лансиран во 2004 година, опишан како најголемата улична забава во Африка, која привлекува локални и странски туристи во текот на декември.
Овогодинешниот настан беше посебен по тоа што беше прв по ковид-пандемијата, поради што беше откажан последните две години.
Инцидентот се случи за време на популарната моторџиска парада на една од главните карневалски рути, која беше затворена за сообраќај.
Овој настан вклучува познати личности од целата земја, од кои некои се облечени во шарени костими и изведуваат акробации.
Полицијата соопшти дека пијаниот возач – кој бил уапсен – изгубил контрола над автомобилот и влетал во толпата.
Татко на 15-годишно момче кое беше повредено во инцидентот за Би-Би-Си изјави дека возел „невнимателно“.
Во изјавата на гувернерот на државата, Бен Ајаде, се вели дека владата истражува како автомобилот поминал низ многуте безбедносни барикади што го спречувале пристапот до јавниот превоз.
Ајаде го откажа остатокот од мотоциклистичката парада, но другите настани планирани за остатокот од карневалот – кој треба да заврши на новогодишната ноќ со огномет – сепак ќе се одржат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украинскиот парламент усвои резолуција со која се потврдува легитимитетот на Зеленски

Украинскиот парламент усвои резолуција со која се потврдува легитимноста на Володимир Зеленски како претседател, а во исто време ја отфрла можноста за одржување избори до крајот на војната.
Ова се случува по изјавите на американскиот и рускиот претседател Доналд Трамп и Владимир Путин, кои сугерираа дека владеењето на Зеленски е нелегитимно бидејќи не се одржани избори во Украина.
Украинската Рада ја усвои резолуцијата на втор обид откога вчера немаше доволно гласови за поддршка за нејзино усвојување, јавува „Еј-би-си њуз“.
Зеленски во неделата рече дека ќе се повлече ако тоа донесе мир во Украина додавајќи дека тоа ќе го стори дури и ако тоа значи дека неговата земја ќе добие членство во НАТО.
Свет
Кремљ: Ја поздравуваме балансираната позиција на САД на гласањето во ОН

Кремљ го поздрави, како што рече, балансирниот став на САД за гласањето на Вашингтон во ОН, заедно со Москва, против резолуцијата за Украина подготвена од Киев и Европејците, со која се осудува рускиот напад врз земјата.
„Забележуваме дека САД усвојуваат многу побалансирана позиција, која реално се концентрира на напорите насочени кон решавање на украинскиот конфликт“, изјави за новинарите портпаролот на рускиот претседател, Дмитриј Песков.
„Го поздравуваме тоа. Оваа балансирана позиција сведочи за вистинската желба да се придонесе за решение“, додаде Песков.
Тој рече дека не гледа никакви знаци на рамнотежа меѓу Европејците, кои ја поддржаа резолуцијата за Украина, со која се осудува Москва, гласајќи против САД.
„Можно е по контактот меѓу Европејците и Американците, на еден или друг начин, Европа да гравитира кон поголема рамнотежа“, рече Песков.
Вчера, на третата годишнина од почетокот на руската инвазија на Украина ОН гласаа за три резолуции за земјата во две нејзини тела – Генералното собрание и Советот за безбедност – во гласањето што сигнализира пресврт на американската позиција по ова прашање.
Генералното собрание вчера усвои две резолуции, едната подготвена од Украина и европските земји, за кои САД гласаа против заедно со Русија и 16 други земји, и другата предложена од САД, но која беше ставена на гласање со многубројни амандмани за да вклучи осуда на Русија за конфликтот, а САД беа воздржани.
Потоа, САД го доставија својот оригинален текст на резолуцијата до 15-члениот Совет за безбедност на ОН, во кој се повикува на брз мир во Украина, без упатување на нејзиниот територијален интегритет или осуда на Русија, и беше изгласана од САД и Русија, а четири земји од ЕУ и Велика Британија беа воздржани. Ниту Франција ниту Велика Британија, две од петте постојани членки на Советот за безбедност (другите две се САД, Русија и Кина), не стави вето.
Свет
Песков: Треба да се помине долг пат за да стекнеме доверба во Америка

Портпаролот на Кремљ, Дмитриј Песков, денеска изјави дека Русија верува во себе и за да се зборува за доверба во Соединетите Американски Држави (САД), мора да се помине долг пат. „Мораме да развиеме мерки за враќање и зајакнување на меѓусебната доверба“, им рече Песков на новинарите, пренесе агенцијата РИА.
Тој нагласи дека лидерите на Америка покажале политичка волја да го обноват дијалогот со Русија, кој практично беше спуштен на нула за време на претходната администрација.
Преземени се мерки за нормализирање на дијалогот, пред сè, за нормализација на работата на нашите дипломатски ресори на реципрочна основа“, рече Песков.
На прашањето на новинарите да ги коментира наводните планови за распоредување мировни сили во Украина тој нагласи дека разговорите за можни заеднички проекти меѓу Америка и Русија и економската соработка меѓу двете земји ќе дојдат кога ќе се реши ситуацијата во Украина.
„Ќе има време да се разгледаат можните проекти за трговска, економска и инвестициска соработка. Има многу широки изгледи за тоа“, рече Песков.
Тој оцени дека пристапот на ЕУ кон Украина може да се промени по контактот меѓу Америка и Европа.
„Изјавите на Европејците од Киев сè уште не даваат сигнали за балансиран пристап, но можеби врз основа на резултатите од контактите меѓу Европејците и Американците, Европа некако ќе гравитира кон поголема рамнотежа“, рече тој, пренесе „Танјуг“.