Свет
(Видео) Пожари и невреме во Италија: во Милано ветер собори дрвја и откорна покриви, има загинати

Аеродромот во Палермо, Сицилија, денеска беше затворен поради шумски пожари бидејќи екстремните временски услови продолжуваат да ја погодуваат Италија, а силните бури предизвикаа штети. Најмалку двајца се загинати на северот на земјата, пишува „Хина“, а пренесува „Индекс“.
Аеродромот во главниот град на Сицилија ќе остане затворен до 11 часот по средноевропско време, објави неговиот оператор на „Твитер“, а пожарникарите се борат со големиот пожар во блиската област што исто така ги наруши локалниот патен и железничкиот сообраќај.
Главниот аеродром на островот, „Катанија“, петти по големина во Италија, беше затворен минатата недела поради пожар во зградата на терминалот и повторно беше отворен само за неколку лета.
Температурите во некои делови на Сицилија вчера се искачија на 47,6 степени.
⛈️ Intensa tormenta azotando en Cologno Monzese, provincia de Milán, región de Lombardía, Italia.
📹: Eros di Cosmo pic.twitter.com/IHjlaxYvEd
— 𝑪𝒆𝒏𝒕𝒊𝒏𝒆𝒍𝒂35 (@Centinela_35) July 24, 2023
Топлотен бран ја зафати јужна Европа, а високите температури донесоа зголемен ризик од пожари и смрт.
Во некои делови на источна Сицилија температурите вчера се искачија на 47,6 Целзиусови степени, што е блиску до европскиот рекорд од 48,8 Целзиусови степени, поставен на островот пред две години.
Италија денеска прогласи црвен аларм во 16 града поради високите температури.
Меѓу нив се Палермо и Катанија, во кои во последните денови има чести прекини на струја и вода, за што локалните власти делумно ги обвинуваат горештините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.