Европа
(Видео) Едно лице загина, а четворица се повредени кога врз нив се урна покрив од фабрика во Кахраманмараш
Едно лице загина, а четворица се повредени кога врз нив се урна покрив од фабрика во Кахраманмараш, Турција.
Според медиумите, фабриката била многу оштетена во разорните земјотреси што на почетокот на февруари ја погодија Турција.
Hasarlı fabrikada çalışmak zorunda bırakılan işçiler yaralandı.
Kahramanmaraş’ın Dulkadiroğlu ilçesinde ilk depremde hasar gören bir metal fabrikası Malatya’da meydana gelen depremin ardından çöktü. İlk belirlemelere göre 1 işçinin öldüğü, 4 işçinin yaralandığı bildirildi. pic.twitter.com/4lGhd0O1J8
— UMUT-SEN (@Umut_Sendikasi) February 27, 2023
Неколку лица денеска влегле во фабриката, наводно со намера да ја отстранат опремата што не била оштетена.
Во тој момент се урнал покривот.
Kahramanmaraş’ta, Tutku metal’de işçilerin tencere, tabak gibi eşyaları kurtarmak istedikleri sırada çökme meydana geldi.
1 Ölü , 3 Yaralı ! pic.twitter.com/S9FwLw2XxI
— Gazete46 (@Gazete461) February 27, 2023
Се верува дека покривот се урнал кога силен земјотрес со јачина од 5,7 степени според Рихтеровата скала денеска ја погоди блиската Малатија, пренесува „Телеграф“.
Турските медиуми јавуваат дека во последниот земјотрес имало нови уривања на згради и дека има луѓе што се заробени под урнатините, пренесе „Блиц.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.