Свет
(Видео) Помош, помогнете – очајни повици на жени во Авганистан кои бараат евакуација
И покрај изјавите на талибанските лидери дека им ги гарантираат сите права на жените во Авганистан, на социјалните мрежи се појави снимка на која, како што пренесуваат светските агенции, жени кои се затворени молат да бидат евакуирани.
На Твитер е објавена снимка од авганистански девојки кои очајно ги молат американските војници кои го контролираат аеродромот во Кабул да ги спасат.
Painful video shows Afghan girls at #Kabul airport begging #US troops to let them leave #Afghanistan. These girls know what is coming for them in life under Sharia laws of #Taliban. They are allowed to go to school until age of 12. After that, Taliban turns them to child brides. pic.twitter.com/ycZeUOscWe
— Babak Taghvaee – Μπάπακ Τακβαίε – بابک تقوایی (@BabakTaghvaee) August 18, 2021
Mедиумите потсетуваат дека портпаролот на талибанците, Забихула Муџахид, изјави претходно, на првата официјална прес-конференција по падот на Кабул во рацете на талибанците, дека тие им ги гарантираат на жените сите права според шеријатскиот закон, додавајќи дека жените можат да работат во образованието и здравството.
Малкумина навистина веруваа во тоа, бидејќи талибанците веќе владееја со Авганистан според строгите шеријатски правила, во кои нема ништо друго освен жените да бидат затворени во куќи, покриени од глава до петици и да им користат на мажите за да имаат што повеќе деца. Исто така, според овие закони, на талибанските мажи им се потребни синови, а не ќерки, и ако жената роди девојчиња, постојат различни начини да се казни, анализираат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) Трамп доби златна круна во Јужна Кореја
На претседателот на САД, Доналд Трамп, денес во Националниот музеј во Гјонгџу му беше врачен Големиот орден на Мугунгва и златна круна на кралството Сила од страна на јужнокорејскиот претседател Ли Џае-Мјунг.
Претседателот Трамп доби реплика од историската златна круна во Јужна Кореја, најновиот во низата импресивни подароци што ги добил за време на неговата посета на Азија.

Трамп рече дека подарокот е „многу посебен“.
Симбол на света власт и апсолутна моќ
Репликата е базирана на златната круна на древното кралство Сила, кое го симболизирало „светата власт и апсолутната моќ“ на кралевите и владејачката класа, според Националниот музеј на Кореја.

Златните круни од кралството Сила прикажуваат дрво со гранки што се шират нагоре, за кое музејот вели дека „значи небесен мандат на кралот“.
фото: принтскрин
Свет
Во Холандија почнаа парламентарните избори
Во Холандија утрово почнаа парламентарните избори, избирачките места се отворија во 7:30 часот и ќе бидат отворени до 21:00, по што ќе започне пребројувањето на гласовите и објавувањето на првите резултати, јави холандскиот јавен сервис „НОС“.
Право на глас имаат околу 13,5 милиони граѓани, а гласањето се одвива на 27 партии со 1.166 кандидати за 150 пратенички места.
Некои избирачки места беа отворени уште од полноќ. На поголемите железнички станици има и мобилни пунктови за гласање.
Анкетите покажуваат дека трката е исклучително тесна, а крајнодесничарската Партија за слобода (PVV) на Герт Вилдерс има шанса за силен резултат, иако повеќето партии не сакаат коалиција со него. Поддршка имаат и левите и десноцентристичките партии.
По распадот на претходната четирипартиска влада, парламентот брои дури 15 партии, па аналитичарите предупредуваат дека формирањето нова влада може да трае со месеци.
Свет
Куба ја погоди ураган, еден од најсилните од 2017 година
Откако ја погоди Јамајка како еден од најсилните урагани во Атлантикот, Мелиса накратко ослабе. Додека го преминуваше островот, таа изгуби дел од својата енергија бидејќи повеќе не беше над топлото море кое ја „хранеше“.
Кога северниот брег на Јамајка беше зад него, ураганот повторно се засили до четврта категорија и формираше добро изразено око на бура. Потоа Мелиса по втор пат дојде до копно, овој пат во југоисточна Куба, како ураган од категорија 3 со ветрови до 205 километри на час – еден од најсилните што го погодија островот од ураганот Ирма во 2017 година.
Потоа бурата ќе ослабне, но се очекува да се забрза кон североисток, преминувајќи ги Бахамите во текот на денот и приближувајќи се кон Бермуда, задржувајќи ја силата на ураган од прва категорија.
фото: принтскрин

